ფოტო საკეისროს შემდეგ - სადამდე შეიძლება მივიდეს დედის სითამამე - მშობლები

ახლახან დედის მორიგი პროვოკაციული ფოტო გამოჩნდა სოციალურ ქსელებში ხშირად ჩნდება თამამი დედების ფოტოები, რომლებიც დაუფარავად აჩენენ ორსულობისგან გაჩენილ სტრიებს, მოშვებულ მუცელს, ჭარბ წონას, ჩამოშვებულ მკერდსა თუ საკეისრო კვეთის ნაიარევს. ყველა მათგანი ამაყობს ამ "ხარვეზებით" და სხვებსაც მოუწოდებს, ნუ შერცხვებათ საკუთარი სხეულის. ამ პროპაგანდაში დასაძრახი არაფერია. დედას მართლაც სჭირდება გამხნევება უარესობისკენ შეცვლილი სხეულის გამო, თუმცა, როგორც ყოველთვის, მეტისმეტი აქაც მოსდით...

სოციალურ ქსელში ახლახან დედის მორიგი პროვოკაციული ფოტო გამოჩნდა. მასზე დედა-შვილი საკეისრო კვეთიდან 2 დღის შემდეგ არის დაფიქსირებული. ფოტოს ავტორი 29 წლის ფოტოგრაფი ჰელენ ალერია. ფეისბუქზე გააზიარების შემდეგ ფოტო ცხარე განხილვის საგანი გახდა. რამდენიმე საათში 200 000 მოწონება ჰქონდა და მის გარშემო დიდი დისკუსიაც იყო გაჩაღებული. თავად "მოდელის" ვინაობა უცნობია. მან ანონიმად დარჩენა ისურვა.

როგორც აღმოჩნდა, თავად ფოტოგრაფიც არ ელოდა ასეთ მძაფრ რეაქციას. "არ ველოდი, თუ ამხელა აჟიოტაჟს გამოიწვევდა", - აცხადებს ჰელენი.

სავარაუდოდ, ფოტო ჩვენშიც ცხარე კამათის საგანი გახდება. დედების გამხნევება კარგია, თუმცა ფოტო აშკარად პროვოკაციულია. საინტერესოა, მართლაც მოქმედებს თუ არა საკეისროგადატანილ დედებზე მსგავსი ფოტოები სასიკეთოდ? მართლაც უქრობს თუ არა კომპლექსებს ან მატებს თუ არა საკუთარი ძალების რწმენას. ვისაც სტრიების, ნაიარევის, მკერდის პრობლემა გაქვთ, მოქმედებს მსგავსი ფოტოპროექტები გამამხნევებლად? თქვენს მოსაზრებას ველოდებით კომენტარებში.