ამ ვარსკვლავმა პირველად შეაჭრა თმა 4 წლის ბიჭს და დიდი აჟიოტაჟი გამოიწვია - მშობლები

მას ხშირად აკრიტიკებდნენ ბიჭუნას გრძელი თმის გამო, თუმცა... მომღერალი ჯესიკა სიმპსონი ინსტაგრამზე ხშირად უზიარებს თაყვანისმცემლებს თავისი შვილების ფოტოებს, რომლებიც საკმაოდ პოპულარულები არიან. ახლახან 4 წლის ვაჟის ფოტო გამოაქვეყნა - ახალშეკრეილის და მის ფოტოს დიდი აჟიოტაჟი მოჰყვა.

საქმე ისაა, რომ ეისს აქამდე თმას არ ჭრიდნენ და მას და მის 5 წლის დაიკო მაქსველს ლამის ერთი სიგრძის თმა ჰქონდათ. ამის გამო ჯესიკას ინსტაგრამზე აკრიტიკებდნენ ხოლმე და ურჩევდნენ, ნუ აწვალებდა ბავშვს ამ სიგრძე თმით და რომ ბიჭსაც არ ჰგავდა ასეთი ვარცხნილობით. მომავალ წელს ეისი მოსამზადებელ კლასში უნდა შევიდეს და ალბათ ჯესიკამ უფრო ამის გამო გადაწყვიტა მისთვის სტილის შეცვლა - ზრდასრული ცხოვრებისთვის ამზადებს.

თქვენ რომელი ვარცხნილობა მოგწონთ უფრო ეისისთვის, რომელიც ვარსკვლავების ერთ-ერთ ყველაზე ლამაზ ბავშვად ითვლება?