"ძუძუთი კვება მტკივნეულია!" ახალგაზრდა დედის სულის ამოძახილი - მშობლები

"დედას უნდა ჰქონდეს საშუალება გააკეთოს არჩევანი ზეწოლის გარეშე" ის არ შეუშინდა კრიტიკას და თამამად განაცხადა ის, რასაც უკვე ერთი თვეა განიცდის. 33 წლის ანჟელა ბურზომ მეორე ბავშვი წინა თვეში გააჩინა. ახლახანს ინსტაგრამზე გამოაქვეყნა უჩვეულო სელფი, სადაც ბედნიერი გამომეტყველების ნაცვლად ცრემლითა და ტკივილით დატანჯული ბავშვს კვებავს ძუძუთი. ფოტოს ქვეშ ვკითხულობთ: "მომწონს როდესაც ვუყურებ ლამაზ ქალებს საავადმყოფოს ხალათებში გამოწყობილებს, რომლებიც ღიმილით და სიყვარულით დაჰყურებენ თავიანთ პირმშოს და კვებავენ ძუძუთი. ეს არ არის ჩემი რეალობა. მინდა ვიყო ძლიერი, რადგან ძუძუთი კვება ჩემთვის ნამდვილი ბრძოლა აღმოჩნდა".

ანჟელამ აღიარა, რომ ასეთი სახით მას სურდა სოლიდარობა გამოეცხადებინა იმ დედებისთვის, ვისთვისაც ძუძუთი კვება ტკივილთან იყო დაკავშირებული.

"ამ ფოტოზე აღბეჭდილია ჩემი რეალობა. პირველი ნახეთქი ძუძუს თავზე და ტკივილი, რომელსაც ვიტან. მადლობა ყველა ქალს, რომლებმაც დახმარების ხელი გამიწოდეს", - ამბობს ანჟელა.

"ბევრი დედისთვის არ არის იოლი ძუძუთი კვების დაწყება", - ამბობს ლაქტაციის კონსულტანტი ნიუ იორკიდან ლი ინ ო კონერი.

"ორი ადამიანი სრულიად ახალ ამპლუაშია. წარმოიდგინეთ რომ მიდიხართ მეჯლისზე ადამიანთან, რომელსაც არასოდეს უცეკვია ადრე. ორივე რთულ მდგომარეობაში აღმოჩნდებით".

ძუძუთი კვების მსოფლიო კვირეულზე, რომელიც 1-დან 7 აგვისტოს ჩათვლით ჩატარდა, ბრიტანელი მწერალმა და დედამ - პაიპერ ტერეტმა გააჩაღა მწვავე დისკუსია. მან აღნიშნა, რომ ქალზე მიმდინარეობს ზეწოლა იმ მომენტიდან, როდესაც აღმოჩნდება, რომ ის ორსულადაა. მას აიძულებენ , რომ ბავშვი ძუძუთი გამოკვებოს.

"დედას უნდა ჰქონდეს საშუალება გააკეთოს არჩევანი ზეწოლის გარეშე", - აღნიშნავს ტერეტი.