ნინომ თავად შეძლო და მიიყვანა პატარა შვილი საბავშვო ბაღში - სიმსივნე განაჩენი არ არის! - მშობლები

3 შვილის დედის ბრძოლა დაუნდობელ სენთან გრძელდება... 29 წლის ნინო ბახტაძე, სამი მცირეწლოვანი შვილის დედა, რომელზეც ჩვენ ადრეც ვწერდით, კვლავ აგრძელებს ბრძოლას მძიმე სენთან. ნინოსთან ერთად მისი მეგობრებიც იბრძვიან და ძალიან დიდი იმედი აქვთ, რომ ამ ბრძოლას შედეგი ექნება. გთავაზობთ მათ პატარა მიმართვას:

"სულ რამდენიმე ნაბიჯი გვაშორებს იმის დასამტკიცებლად, რომ სიმსივნე განაჩენი არ არის და ბრძოლას ყოველთვის აქვს შედეგი. ის, რომ ნინომ თავად შეძლო, საბავშვო ბაღის პირველ დღეს თავისი პატარას გვერდით ყოფილიყო, თითოეული თქვენგანის დამსაახურებაა!

როგორც იცით, ნინო იტარებდა ქიმიის კურსს საქართველოში, დასრულების შემდეგ კი საჭიროა გამოკვლევები თურქეთში. ქიმიის კურსი წარმატებით ჩატარდა, შედეგი საკმაოდ კარგია!

გამოკვლევებისთვის, რომელიც 5 ოქტომბრამდე უნდა ჩატარდეს თურქეთში, სულ რაღაც 3500 ლარია საჭირო - ოჯახისთვის, რომელსაც უკვე ამოეწურა სრულად რესურსები, ეს წარმოუდგენელი თანხაა, ბევრმა ერთად კი ეს შეიძლება შევძლოთ.

ვისაც ექნება დახმარების სურვილი და საშუალება, ანგარიშის ნომერია:

GE80TB7195545063600028

SWIFT: TBCBGE22

მიმღები: გვანცა ბახტაძე

პ/ნ 01001043167

დაბადების თარიღი 14.01.1991".