"მაია პატიმარი ქალებისთვის საჭმელებს ამზადებს..." - მშობლები

"ამ ბოლო დროს ბევრმა მკითხა, სხვებს რომ თავზე გადაყევი, მაიაზე რატომ არაფერს წერო?! გეტყვით, იმიტომ, რომ სხვა სხვაა, მაია კი - მე ვარ" როგორც იცით, მას მერე, მაია რჩეულიშვილის ციხეში იმყოფება, მისი საყვარელი მეუღლე გარდაიცვალა (იხილეთ სტატია). მაია რჩეულიშვილი კვლავ საპატიმროშია. მის შესახებ ცოტა ხნის წინ მისმა დის შვილმა - ჟურნალისტმა ნინო დარასელმა გაავრცელა პოსტი:

"თოდუას კლინიკაში პატიმრები დაყავთ ხოლმე და ისინიც კონტაქტსმონატრებულები ექიმებს სხვადასხვა ამბებს უზიარებენ. ბოლოს განსაკუთრებული აღფრთოვანებით თურმე მაიაზე მოუყოლიათ, ჩემს ლამაზ დეიდაზე. გაოცებულები არიან, ეს რა უშუალო და კონტაქტური ყოფილაო და მისი კულინარიის ნიჭით კიდევ უფრო მეტად აღფრთოვანებულან. საქმე ისაა, რომ როცა საშუალებას აძლევენ, დგას თურნე მაია და მისი უკვე მეგობარი პატიმარი ქალებისთვის გემრიელ საჭმელებს ამზადებს სატრაპეზოში. უჰ, როგორ ამზადებს, რომ იცოდეთ. მე კი ვიცოდი, მისაღებ ოთახში ყოფნას რომ სამზარეულოში დამხმარე ქალებთან ერთად ფუსფუსი, "პარდონ მაი ფრენჩ" დამებთან აწეული ნეკა თითით ყავის სმას, გემრიელ კახურ დიალექტზე მოსაუბრე ტასიკოსა და თინასთან სიცილი ერჩივნა, მაგრამ ახლა მიხარია, რომ სხვებმაც დაინახეს, თან იმ ხალხმა, ვისთანაც შეიძლება ისე ეცხოვრა, ქუჩაშიც კი ვერ გადაჰყროდა ვერსად. ასე რომ, რაც არ გვკლავს... იმედია, გვაძლიერებს. იმედია, თორემ მისი 50 კილოს და თეთრი პირისახის შემხდვარე ამას თამამად ვერ ვამბობ.

P.S. ვინც მიცნობს, იცის, ჩემს თავზე საუბარი არ შემიძლია, თხოვნა მიჭირს, ჩემი დარდის ვინმესთვის თავზე მოხვევა მით უმეტეს. ჰოდა, ამ ბოლო დროს ბევრმა მკითხა, სხვებს რომ თავზე გადაყევი, მაიაზე რატომ არაფერს წერო?! გეტყვით, იმიტომ, რომ სხვა სხვაა, მაია კი - მე ვარ".