ნაომი კემპბელის 64 წლის დედამ ყველა აღაფრთოვანა - ვალერიას შთამბეჭდავი სიტყვები - მშობლები

ყოფილი ბალერინა ვალერია კემპბელი ცოტა ხნის წინ სიკვდილს ებრძოდა... "შავ ავაზად" წოდებული მსოფლიოს ერთ-ერთი ყველაზე ცნობილი და ლამაზი მოდელი ნაომი კემპბელი ყველამ იცის. აი მას რომ ულამაზესი და საოცარ ფორმაში მყოფი დედა ჰყავს, ეს ნაკლებად გავრცელებული ამბავია. არადა, ნაომის დედა ვალერია, უკვე 64 წლის ასაკშიც კი შესანიშნავ ფორმაშია და ბევრ მოდელს არ დაუდებს ტოლს.

ვალერია ყოფილი ბალერინაა. საკმაოდ წარმატებული კარიერა ჰქონდა და როცა ნაომი პატარა იყო, დედა ხშირად დადიოდა გასტროლებზე, რის გამოც მომავალი ტოპმოდელი ძირითად დროს ბებიასთან ატარებდა, სწორედ მას მიუძღვის უდიდესი წვლილი ნაომის აღზრდაში და სხვათა შორის, არანაკლებ ლამაზია ნაომის ბებია - როგორც ჩანს, სწორედ მისი გენია წამყვანი ამ ულამაზესი ქალბატონების სისხლში.

რამდენიმე წლის წინ ვალერის მძიმე დიაგნოზი დაუსვეს - მკერდს სიმსივნე. მასტექტომიის ოპერაცია გადაიტანა და სნეულება დაამარცხა.

"მას მერე, რაც გადავიტანე, გარეგნობამ ჩემთვის მნიშვნელობა დაკარგა. როცა ხედავ უფსკრულს სიკვდილსა და სიცოცხლეს შოის, შენთვის სულ ერთი ხდება, დაგრჩა თუ არა ერთი ხელი, ცალი თვალი თუ ცალი ძუძუ. ყველაზე მნიშვნელოვანი ხდება თავად ცხოვრება, რომელიც შეგინარჩუნეს", - ამბობს ვალერი.

ახლა მისივე თქმით, სიცოცხლის ყოველი დღითა და წუთით ტკბება და სულ უფრო მეტ დროს ატარებს შვილთან.