დედა მეორე შვილს უხსნიდა, რომ ელვა საშიში არ არის
არგენტინელმა დედამ შვილის სიახლოვეს მეხის დაცემა გადაიღო. ამის შესახებ ინფორმაცია Infobae-ზე გავრცელდა. Youtube-ზე გამოქვეყნდა ვიდეოც, რომელზეც აღბეჭდილია, როგორ დაეცა მოზარდი ბიჭის სიახლოვეს მეხი. ეს მოვლენა სწორედ მაშინ მოხდა, როცა ბიჭი წვიმიან ამინდში ეზოში თამაშობდა.
გამოცემის ცნობით, დედა მეორე შვილს (გოგოს) უამინდობის დროს ამშვიდებდა და უხსნიდა, რომ ელვა საშიში არ არის. ამ დროს სახლის დამხმარემ ქალს უთხრა, რომ მისი ვაჟი ეზოში თამაშობდა. დედამ შვილის ვიდეოზე გადაღება დაიწყო, სწორედ ამ მომენტში მეხი ბავშვის სიახლოვეს ჩამოვარდა. მომხდარის მიუხედავად, ბავშვი უვნებელი გადარჩა.