"უბედნიერესი ვარ, რომ კიდევ ერთი საოცარი ბიჭის დედა გავხდი" რუსთაველის თეატრის მსახიობი ია სუხიტაშვილი იმ რესპონდენტების კატეგორიას მიეკუთვნება, ვისაც საჯაროდ პირად საკითხებზე საუბარი არ უყვარს. ალბათ ამიტომაც ისე ჩუმად შექმნა მესამედ ოჯახი, რომ ჟურნალისტებმაც კი ვერაფერი გავიგეთ, სანამ მსახიობის წამოზრდილმა მუცელმა ეჭვები არ გააჩინა. შემდეგ უკვე დამალავას აზრი აღარ ჰქონდა და გაირკვა, რომ ია გათხოვილა, მისივე მეორე ნახევრის სურვილით მსახიობი მეუღლის სახელს და გვარს არ ასაჯაროებს, თუმცა ამბობს, რომ ინჟინერია, იამდე ოჯახი არ ჰყოლია, მოსწონს ცოლის პროფესია და თავს ერთად კარგად გრძნობენ.
წყვილმა ურთიერთობა თებერვალში ოფიციალურად გააფორმა, გუშინ კი ვაჟის მშობლები გახდნენ. პატარას იკა დაარქვეს, აღფრთოვანებული დედა სოცილაურ ქსელში შემდეგ სტატუსს აქვეყნებს:
„დიდი მადლობა ყველას ყურადღებისთვის, სიყვარულისთვის, სათითაოდ გიგზავნით სიყვარულს თქვენი სითბოსთვის. უბედნიერესი ვარ, რომ კიდევ ერთი საოცარი ბიჭის დედა გავხდი.
პ.ს. ყველაფერი კარგია, მაგრამ ამ ბედნიერებას არაფერი შეედრება“
თეკლა ჟვანია