ავტომანქანაში ბათუმის მეექვსე საჯარო სკოლის მოსწავლეები იმყოფებოდნენ ქედაში ექსკურსიიდან მომავალი სასკოლო ავტობუსი ავარიაში მოჰყვა. ავტოსაგზაო შემთხვევის შედეგად, ექვსი არასრულწლოვანი დაშავდა. ხულოდან, სხალთიდან ბათუმის მიმართულებით მოძრავი ავტომანქანის კარი შემთხვევით გაიღო, რის გამოც ბავშვები გზის სავალ ნაწილზე გადაცვივდნენ. ინფორმაციას 1tv ავრცელებს.
ავტომანქანაში ბათუმის მეექვსე საჯარო სკოლის მოსწავლეები იმყოფებოდნენ. შემთხვევა ბათუმი-ახალციხის ცენტრალურ მაგისტრალზე, სოფელ გობრონეთთან მოხდა.
დაშავებულები ქედის რაიონულ ჰოსპიტალში გადაიყვანეს, საიდანაც, რამდენიმე მათგანი ბათუმის დედათა და ბავშცვთა ჯანდაცვის ცენტრში გადაჰყავთ. ბათუმის მე-6 სკოლის დირექტორის, ზურაბ ზაქარაძის განცხადებით, ერთ-ერთ ბავშვს, თავის დაზღვევის მიზნით, რეანიმობილით გადაიყვანენ.
სკოლის დირექტორის თქმით, სხალთაში ექსკურსიაზე 20 ბავშვი იმყოფებოდა. მისთვის უცნობია, რა გახდა ავტოსაგზაო შემთხვევის მიზეზი.
შსს-მ მომხდარზე გამოძიება სსკ-ის 276-ე მუხლის პირველი ნაწილით დაიწყო, რაც ავტომობილის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის დაზიანება გამოიწვია.