როგორ გადაარჩინა ადამიანის სიცოცხლე საქართველოს ფოსტის კურიერმა: "ასეთ ვითარებაში არასოდეს აღმოვჩენილვარ" - მშობლები
როგორ გადაარჩინა ადამიანის სიცოცხლე საქართველოს ფოსტის კურიერმა: "ასეთ ვითარებაში არასოდეს აღმოვჩენილვარ"
"წელიწადზე ამანათებსა და წერილებს ვარიგებ და მსგავს სიტუაციაში არ აღმოვჩენილვარ"
ერთი შეხედვით, ჩვეულებრივ სამუშაო დღეს, პროფესიული მოვალეობის შესრულებისას საქართველოს ფოსტის ახალგაზრდა კურიერი ლევან ნონიკაშვილი ვერც კი წარმოიდგენდა, რომ ადამიანს სივდილისგან იხსნიდა. მოქალაქე შალვა ცხადაიასათვის განკუთვნილი წერილის გადასაცემად მისულს, მასპინძელი უგონო მდგომარეობაში დახვდა.
როგორც ლევანი mshoblebi.ge-სთან საუბარში აღნიშნავს, მას ბატონ შალვასთან წერილები ხშირად მიქონდა.
"წელიწადზე მეტია საქართველოს ფოსტაში კურიერად ვმუშაობ და ყოველდღიურად სხვადასხვა მისამართებზე ამანათებსა და წერილებს ვარიგებ და ამ ხნის განმავლობაში მსგავს სიტუაციაში არ აღმოვჩენილვარ. მაშინვე დავრეკე სასწრაფოში, მანქანას დახვდი და მისამართზე მივიყვანე. როგორც გაირკვა, ბატონ შალვას გულის შეტევა დაემართა, ვნერვიულობდი რა თქმა უნდა, სანამ სასწრაფო მოვიდოდა. ძალიან მიყვარს ეს ადამიანი და როგორც მშობელს, ისე ვუყურებ. მარტოხელა კაცია . მარტო ცხოვრობს. შვილები არ ჰყავს.
გადაფურცლეთ მომდევნო გვერდზე
{{ArticleSplitCont}}
სანამ გონს არ მოვიდა, ფეხი არ მომიცვლია ადგილიდან. ეს ამბავი დაახლოებით ერთი თვის წინ მოხდა, თუმცა მას შემდეგ გასაჯაროვდა, როცა ბატონი შალვა გამოკეთდა და გადაწყვიტა საქართველოს ფოსტის გლდანი-ნაძალადევის რაიონის ფილიალში მოსულიყო და ჩემი მენეჯერისთვის მოეყოლა, როგორ გადავარჩინე სიკვდილს’’.
"ამ ბიჭმა ახალი სიცოცხლე მაჩუქა და სიკვდილს გადამარჩინა, არ დაანება მიქელ-გაბრიელს ჩემი წაყვანა. არ შემეშვა იქამდე, სანამ ექიმებმა არ ამალაპარაკეს, სანამ სული არ მოვითქვი. იმის შემდეგ ფეხზე დავდექი, ახლა კარგად ვარ. დიდი სურვილი მაქვს, რომ ამ ღვთისნიერ კაცს ყველაფერი საუკეთესო ჰქონდეს. მთელი საქართველო უნდა იცნობდეს ამ კაცს, დიდი მადლობელი ვარ ლევანისი“ - ასე გამოხატა სიკვდილს გადარჩენილმა შალვა ცხადაიმ ახალგაზრდა კურიერის მიმართ მადლიერება საქართველოს ფოსტის თანამშრომლებთან.
- როგორი იყო ოჯახის წევრების რეაქცია, როცა ამ ამბის შესახებ გაიგეს?
ყველას ძალიან გაუხარდა ეს ამბავი. სიხარულისგან ჩემი ცოლი გაოცებული იყო. მშობლებსაც გაუხარდათ, რომ გასაჭირში მყოფი ადამიანის დახმარება შევძელი. ძალიან ბევრმა დამირეკა ამ ამბის შემდეგ, ისეთებმაც კი, რომელთა დარეკვას ნაკლებად მოველოდი.
- ერთმანეთს ხშირად ხვდებით?
- ბატონი შალვა მას შემდეგ ხშირად მეკონტაქტება. გუშინაც ვნახე და ძალან კარგად გამოიყურება. ძალიან მემადლიერება.
რუსკა კილასონია