"ბევრჯერ შემეძლო თბილად მივსალმებოდი მაინც და სულ რაღაც 10 ლარის ღირებულების პროდუქტი გამესაღებინა მისთვის"
ახალგაზრდა პოლიტიკოსმა ირაკლი ღლონტმა საკუთარ Facebook გვერდზე ემოციური სტატუსი გამოაქვეყნა. აღნიშნული პოსტით მან იმ გულგრილ დამოკიდებულებაზე გაამახვილა ყურადღება, რომელსაც ადამიანები თანამოქალაქეების მიმართ იჩენენ ყოველდღიურ ცხოვრებაში.
აი, რას წერს ირაკლი ღლონტი.
"ჩემი დიდი სირცხვილი… მაპატიე ბებო …
არავის არ ვკიცხავ, თქვენი საქმის თქვენ უკეთ იცით, მირჩევნია მე ჩემი სახელით ვისაუბრო. ბებოს ბოდიში, რამდენჯერაც გვერდი ავუარე და ვერ შევამჩნიე, იმდენჯერ ვუხდი ბოდიშს. პატიებას ვთხოვ, როცა ჩემს ფიქრებში გართული ყურადღების მიღმა დავტოვე. ალბათ ერთხელ არა, ბევრჯერ შემეძლო თბილად მივსალმებოდი მაინც და სულ რაღაც 10 ლარის ღირებულების პროდუქტი გამესაღებინა მისთვის, უბრალოდ სახლში რომ გამეშვა და ცივ საფეხურებზე არ ჩაეთვლიმა. ჩვენ გულგრილი, არა, ჩვენ არა, მე ვარ გულგრილი, უყურადღებო და უპასუხისმგებლო, ამას არ აქვს სხვა სახელი. როგორ მინდა მხოლოდ მე ვიყო ყველაზე უპასუხისმგებლო და გულგრილი მოქალაქე !".