"ვერც კი გავიგე, ეს კიბო როგორ დამემართა" - ნანა კაკაბაძე უმძიმეს სენს ებრძვის - მშობლები

"მირჩიეს, უცხოეთში წავსულიყავი, მაგრამ აქ ჩავიტარე ქიმიოთერაპია და ვაგრძელებ მკურნალობას..." უფლებადამცველი ნანა კაკაბაძე ბოლო დროს მკვეთრად შეცვლილი გარეგნობით გამოჩნდა საზოგადოებაში და როგორც ჟურნალ "თბილისელებთან" საუბარში აღნიშნა, მიზეზი მძიმე სენია, რომელსაც თავდაუზოგავად ებრძვის:

"ციანიდის საქმე და ჩემი ავადმყოფობა ერთად გაჩნდა. ეს პატრიარქსაც კი ვუთხარი, რომელმაც ძალიან ინერვიულა. მის უწმინდესობას ვუთხარი, ვერც კი გავიგე, ეს კიბო როგორ დამემართა-მეთქი. იმდენად მტკივნეული იყო ჩემთვის "ციანიდის საქმე", რომ პატრიარქს შესაძლოა რამე დაშავებოდა, ჩემს დიაგნოზზე არც მიფიქრია. მირჩიეს, უცხოეთში წავსულიყავი, მაგრამ აქ ჩავიტარე ქიმიოთერაპია და ვაგრძელებ მკურნალობას. ეს დიაგნოზი არ მაშინებს".