”ბანკიდან ავიღე დიდი სესხი... ვიფიქრე, განვადებას გადავფარავ-თქო მეორე ბანკში...” ინტერნეტმომხმარებელ ნოდარ დუმბაძის პოსტმადიდი გამოხმაურება გამოიწვია. მართლაც, სიკეთე გადამდებია:
”კარმის ეფექტი
ბანკიდან ავიღე დიდი სესხი. ვიფიქრე, განვადებას გადავფარავ-თქო მეორე ბანკში. მარჯანიშვილზე, ცენტრალურში შევედი, რენტგენებივით კარები როა. ოპერატორმა ქალბატონმა მოძებნა განვადებები, რომელმაც შეადგინა 2500 ლარი. ამობეჭდა, მოაწერა, დაარტყა, მომაწოდა ჩეკი. მოვაწერე ხელი. გაყო და ერთი დაიტოვა. გამოვედი რენტგენებიდან. გამახსენდა, რომ ფული არ მიმიცია. ჩეკი ხელში მიჭირავს და გარეთ ვარ, არავინ მომდევს.
გულმა არ მომითმინა, ინქებ როგორ უჭირს ადამიანს, მაგას არ დააწერონ, არ გაუბედურდეს-თქო და შევბრუნდი. გისმენთო. ავუხსენი, რაც მოხდა. აკანკალდა, ძლივს გამომართვა ფული. ბევრმა დამცინა შემდგომ - ე, ვის აქვს ბედიო. მე შემმთხვეოდა და ჩემს ფეხებს დავუბრუნებდიო...
ახლა, რატომ ''კარმის ეფექტი''.
დასასვენებლად წავედი ცოლ-შვილთან ერთად სამარშრუტი ტაქსით. შესვენებაზე გაჩერდა ''მარშრუტკა''. ჩამოვედი, ცხელოდა და კოკას დავლევ-თქო. ვდგავარ რიგში. ამ დროს მოდის ბიჭი, მეგრული აქცენტით მეუბნება - ძმაო, ''მარშრუტკაში'' საფულე ამოგივარდა, კუთხეში ჩავარდა, ხელი არ მოვკიდე და მიდი, მიაკითხეო. მოვირტყი ხელი უკან და აუუუ! გავვარდი ”მარშრუტკაში” და სადაც მითხრა, იქ დამხვდა, თავისი სოლიდური თანხით. აბა, მოდი ჯიგარო-თქო და დავპატიჟე ლუდზე, სიგარეტი ვაჩუქე. რადგან დიდხანს ვერ გავჩერდებოდით, მთავარი პატივისცემა თბილისისკენ გადმოვდე. რომ ჩამოხვალ, აუცილებლად დამირეკე-თქო (დავაფიცე). დამირეკა და მოვიარეთ თბილისის რესტორნები. სახლშიც ავედით ბოლოს და იქაც დავამატეთ. კეთილად დავიშალეთ...
მას შემდეგ დიდი ხანი გავიდა. მინდოდა მოკითხვა და ვერ ვუკავშირდებოდი. გაიხაროს ცუკერამ! მოვძებდნე ფეისბუქით ეს კარგი ადამიანი. ეს კარგი კაცია მურად სამუშია. კიდევ გაიხარე, ძმაო! ღმერთმა გაგიმარჯოს ოჯახთან ერთად.
ვაკეთოთ სიკეთე, ის აუცილებლად დაგვიბრუნდება!”