ყოველდღე დადის და დროს ბავშვებთან ერთად ატარებს 12 წელია ამერიკელი პენსიონერი დევიდ დოიჩმენი ატლანტის ერთ-ერთ ჰოსპიტალში მოხალისედ მუშაობს და ავადმყოფ ჩვილებს უვლის. დოიჩმენი სამსახურში ყოველდღე დადის და დროს ბავშვებთან ერთად ატარებს. ეფერება და იავნანას უმღერის მათ.
დევიდს მშვიდი ხმა აქვს და ხშირად ჩვილებს ისტორიებსაც უყვება. ის სიყვარულსა და მზრუნველობას გამოხატავს პატარებისადმი, სანამ მათი მშობლები დროებით კლინიკიდან მიდიან. მათაც ხომ სჭირდებათ ჭამა, დაძინება და გარკვეული საქმეების მოგვარება...
კეთილი ბაბუის ინფორმაცია შესახებ არაკომერციულმა ორგანიზაცია Children’s Healthcare of Atlnata-მა სოციალურ ქსელებში გაავრცელა. ასეთი ისტორიები ადამიანებს სიკეთისა და თანაგრძნობის შეგრძნებას უღვიძებს.
სოციალურ ქსელში გამოქვეყნებულ ფოტოზე მამაკაცს 25 კვირის ლოგანი უჭირავს. პალატაში დაბრუნებულმა დედამ ნახა, როგორ ესიყვარულებოდა მის შვილს დევიდი და ზღაპრებს უყვებოდა.
კეთილი გულის პენსიონრის ფოტომ სოციალურ ქსელში პირველივე დღეს 200 ათასი მოწონება და გულისამაჩუყებელი კომენტარები დაიმსახურა.
სასურველია, ასეთი სამსახური პენსიონერებისთვის ჩვენთანაც არსებობდეს. კეთილი ბებია-ბაბუები დღენაკლულ ჩვილებს მზრუნველობასა და სიყვარულს არ მოაკლებდნენ.
მშობლებო, რას ფიქრობთ, ანდობდით თქვენს ჩვილს უცხო ადამიანს? გაგვიზიარეთ თქვენი მოსაზრებები კომენტარებში!