არის თუ არა ფეხმძიმედ ქეთი მელუა: "წელს დანაპირებს ვასრულებ" - მშობლები
არის თუ არა ფეხმძიმედ ქეთი მელუა: "წელს დანაპირებს ვასრულებ"
ჩემს ოთახში ეძინა ის ათი დღე ბრიტანული ტაბლოიდები ქეთი მელუას ფეხმძიმობაზე წერენ. პრესა ამის შესახებ მას შემდეგ ალაპარაკდა, რაც თაყვანისმცემლებმა ქეთის ჩაცმულობით ივარაუდეს მუსიკოს ფეხმძიმობა. ეჭვი ქეთისთან დაახლოებულმა ანონიმურმა წყარომაც დაადასტურა, რომელიც ირწმუნებოდა, რომ წყვილი ბავშვს ელოდება.
გარდა ამისა, კიდევ ერთმა თვითმხილველმა 9 ნოემბერს გამართულ საღამოზე შენიშნეს მუსიკოსის წამოზრდილი მუცელი, თავად მომღერალმა კი ორჯერ დალია სადღეგრძელო არა ღვინით, არამედ წყლით სავსე ბოკალითო. ეს ფაქტები, რა თქმა უნდა, მაინც ვარაუდის დონეზე რჩება. თუმცა საინტერესოა, რომ ქეთის ბაბუამ, მშობლებისთვის მიცემულ ინტერვიუში განაცხადა, რომ შვილიშვილი წელს ნანატრი შვილთაშვილი გაჩენას დაჰპირდა.
- ქეთიმ ბევრი სიხარული გვაჩუქა და მისით ძალიან ვამაყობთ, ერთადერთი რასაც ყველა ვთხოვთ, გვინდა შვილიშვილი გვაჩუქოს... ახლაც რომ იყო ჩამოსული, მითხრა, წელს დანაპირებს აუცილებლად შევასრულებო...
გადაფურცლეთ მომდევნო გვერდზე
{{ArticleSplitCont}}
- თავად როგორი ბავშვი იყო?
- ქეთი თავიდანვე ძალიან მოსიყვარულე ბავშვი იყო, თბილი ახლობლების და ყველას მიმართ... მშობლების მერე ალბათ ყველაზე მეტად ბებიის და ბაბუის მიმართ ჰქონდა განსაკუთრებული სიახლოვე. ასეთივე საოცარი გოგო დარჩა დღემდე... წელს ათი დღე ანანურში, დეიდამისის აგაკარკზე გავატარეთ. დაიჟინა, ბაბუ, სადაც შენ დაიძინებ, მეც იქ უნდა ვიყოო. რამე რომ რამე დაგჭირდეს, ხომ იქვე უნდა ვიყო და მოგეფეროო. მართლაც ჩემს ოთახში ეძინა ის ათი დღე. წელს ოპერაცია გავიკეთე და ამიტომ ძალიან ღელავდა ჩემს ჯანმრთელობაზე. მთელი დღეებიც გვერდიდან არ მშორდებოდა. ჩემი მომზადებული კერძები უყვარს და ყველაფერს ერთად ვაკეთებდით. შემდეგ მისი ძმა – ზურიკოც ჩამოვიდა ლონდონიდან. ქეთის მეუღლემ ჩამოსვლა ვერ მოახერხა. ლონდონში დიდი სახლი იყიდეს და იმ დროს სარემონტო სამუშაოებით იყო დაკავებული. ისე კი სულ ქეთისთან ერთად ყოფნას ცდილობს. ქეთის რომ თბილისის ოპერაში, კონცერტი ჰქონდა საგანგებოდ ჩამოფრინდა ლონდონიდან.
- ისევ ქეთის ბავშვიბას რომ დავუბრუნდეთ...
- ქეთი ქუთაისში დაიბადა და შემდეგ ჩვენთან, ბათუმში იზრდებოდა. ბათუმში სასულიერო სკოლა გაიხსნა და თავიდან იქ შევიყვანეთ... შემდეგ თბილისში გადმოვედით და ქეთი საირმის ქუჩაზე დადიოდა სკოლაში... ქეთის მამა ექიმია. ერთ დღეს მითხრა, ლონდონში კონკურსზე უნდა წავიდეო. იმ დროს უნივერსიტეტში ვმუშაობდი, დოცენტი გახლდით და ვინაიდან უკვე რთული წლები იყო, იმდენი ფული არ გამაჩნდა, რაც ლონდონში წასასვლელად სჭირდებოდა. ათასი დოლარი იყო საჭირო და ყველაფერი გავაკეთე, მისთვის რომ ხელი შემეწყო. Mმეგობარმა მასესხა ფული და მერე არაფრით არ დაიბრუნა... ასე წავიდა ლონდონში ჩემი შვილი და იქ მნიშვნელოვან წარმატებას მიაღწია. კონკურსში გაიმარჯვა და ჩრდილოეთ ირლანდიაში გაანაწილეს. იქაც გამოიჩინა თავი და შემდეგ ლონდონში გადმოიყვანეს. ლონდონიდან დამირეკა და მთხოვა ჩემი ცოლ-შვილი აქ ჩამომიყვანეო... შემდეგ კი ცოლ-შვილიც იქ წაიყვანა. ლონდონში ქეთი მუსიკალურ სკოლაში შეიყვანეს და მალევე დაიწყო და დაიწყო წარმატებები, რომლის შესახებაც ახლა უკვე ყველამ იცის...
ქეთის ბათუმი დღემდე განსაკუთრებულად უყვარს. ახლაც ლონდონიდან რომ ჩამოვიდა, პირველად ბათუმში წავიდა. ბინა გვაქვს ბათუმში და ჩემმა შვილმა კიდევ იყიდა ახალი ბინა, ხან ერთ ბინაში ვიყავით, ხან მეორეში... იქ ძალიან ბევრი ბავშვობის მეგობარი ჰყავს. ქეთიმ დაბადების დღე კახეთში გადაიხადა, სადაც ბათუმელი მეგობრებიც ესტუმრნენ... თბილისში თითქმის არ ჰყავს მეგობრები, რადგან ძალიან ცოტა ხანს მოუხდა თბილისში ყოფნა...
მანანა გაბრიჭიძე