ქმართან დაშორებულ ლიკა ყაზბეგს პრეზიდენტის დედის და პატრიარქის დახმარება სჭირდება ლიკა ყაზბეგმა 4 წლის წინ გაბედული ნაბიჯი გადადგა და პატიმარ გიორგი ჯელაძეზე იქორწინა. თუმცა ოთხწლიანი ქორწინება დასრულდა, წყვილი დაშორდა. ამის შესახებ, ლიკა ყაზბეგმა „სარკესთან“ ისაუბრა.
„ჩვენი ოჯახი შექმნის დღიდან ბევრი პრობლემის წინაშე აღმოჩნდა. პირველი ორი წელი, თითქოს ერთი გუნდი ვიყავით, ვგულისხმობ მულთან და დედამთილთან ურთიერთობას. თორემ მე და ჩემი ქმარი სულ ვკამათობდით და ვრიგდებოდით.
გიორგის იმდენად უყვარს დედა და, რამდენი ცოლიც არ უნდა მოიყვანოს და ის ქალი, სულ რომ ფრთიანი ანგელოზი იყოს, მათზე წინ არ დააყენებს. ვერ ვიტყვი, რომ ამის გამო ვკიცხავ. ყველამ იცის, ბიჭისთვის დედა რას ნიშნავს.