ადვოკატთა ასოციაციის სასწავლო ცენტრის დირექტორი, თიკო ქარსელაძე, გუშინ ღამით გარდაცვლილი იპოვეს ადვოკატთა ასოციაციის სასწავლო ცენტრის დირექტორი, თიკო ქარსელაძე, გუშინ ღამით გარდაცვლილი იპოვეს.
გარდაცვალების სავარაუდო მიზეზად თვითმკვლელობა სახელდება. გავრცელებული ინფორმაციით, 35 წლის ადვოკატმა პეტრიაშვილის ქუჩაზე მდებარე საკუთარ სახლში ვენები გადიჭრა. შინაგან საქმეთა სამინისტრომ მომხდარზე გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს. მას მოზარდი ვაჟიშვილი დარჩა.
თიკოს გარდაცვალებამ უამრავ ადამიანს დასწყვიტა გული, სოციალურ ქსელში კი, როგორც ჩანს, სიკვდილის გარემოებებმა გარკვეულ სპეკულაციებს დაუდო საფუძველი. ამის გამო მისმა ბიძაშვილმა, ნინი ქარსელაძენ პოსტიც გამოაქვეყნა:
“მე აღარ მყავს ძალიან კარგი და მაგარი ბიძაშვილი, უფრო მაგარი მეგობარი და ჩემი ძალიან დიდი იმედი… ძალიან გთხოვთ ყველა საინფორმაციოს, გვეცით პატივი ოჯახის წევრებს, ამ თემით მანიპულირებას და პოლიტიკურ სპექტრში მოქცევას იქნებ მოერიდოთ.
გადაფურცლეთ მომდევნო გვერდზე
{{ArticleSplitCont}}
გაითვალისწინეთ, რომ ჩემს თიკოს ჰყავს მოზარდი ბიჭი. დიდი მადლობა წინასწარ!”, - წერს ნინი ქარსელაძე.
"დღეიდან ახალ რეალობაში ვართ, რადგან ყველაზე ძლიერი გოგო - თიკო ქარსელაძე აღარ გვყავს. დღეს დამირეკა, მეილიც მოუწერია, გვიან ვნახე. ჩემს კითხვებს მეილი ვერ პასუხობს, მხოლოდ იმიტირებული პროცესის მოსამზადებელი დეტალები და საკონტაქტო ინფორმაციაა. ძალიან ვნანობ, რომ არც დღეს, არც ადრე არ მითქვამს მისთვის პირადად, რომ ძალიან მაგარი გოგოა", - წერს სოციალურ ქსელში ერთ-ერთი მომხმარებელი.
წაიკითხეთ ასევე: "მე აღარ მყავს ძალიან კარგი და, გთხოვთ მოერიდეთ ამ თემით მანიპულირებას"
რით შეიძლება თვითმკვლელი ადამიანის ხვედრის შემსუბუქება - პასუხობს მოძღვარი