გაჩეჩილაძეები ხშირად ატარებენ დროს საგურამოს აგარაკზე ბოლო დღეების აქტუალური პერსონა, გია გაჩეჩილაძე იგივე უცნობი გახლავთ. მომღერალი და საზოგადოებრივი აქტივისტი, ამჯერად საკუთარ მეგობარს, პრემიერ-მინისტრს გიორგი კვირიკაშვილს დაუპირისპირდა. დაპირისპირების მიზეზი, კი მისი სიძე გიორგი შარაშიძე გახლავთ.
უცნობმა საზოგადოებას ტელეეთერში საჯაროდ წაუკითხა კვირიკაშვილის პირადი მესიჯები. ამ ფაქტს სოციალურ ქსელში დიდი გამოხმაურება მოჰყვა და ინტერნეტ-მომხმარებლები ხუმრობითაც კი მიმართავენ, ერთმანეთს, რომ მათი მიმოწერა არასოდეს გაასაჯაროვონ.
გია გაჩეჩილაძის ქალიშვილმა ირინამ, გიგიშა შარაშიძეზე რამდენიმე წლის წინ იქორწინა. წყვილს პატარა ვაჟი ჰყავს, რომელიც ბაბუასთან, გია გაჩეჩილაძესთან დიდ დროს ატარებს. ბავშვს ილია ჰქვია და ის უცნობის პირველი შვილიშვილია. რაც შეეხება თავად ირინა გაჩეჩილაძის საქმიანობას, ის დიზაინერია და ძვირადღირებულ სამკაულებს ამზადებს.
აშკარაა, რომ უცნობს სიძესთან გადასარევი ურთიერთობა აქვს. გაჩეჩილაძეები ხშირად ატარებენ დროს საგურამოს აგარაკზე, სადაც მთელი ოჯახი იკრიბება. საცურაო აუზი აგარაკზე არავის უკვირს, მაგრამ გაჩეჩილაძეებს პატრიოტული აუზი აქვთ, არც მეტი, არც ნაკლები მას საქართველოს რუკის ფორმა აქვს.