ფეხმძიმე ქალის მუცელი მე-4 ორსულობაზე საეჭვოდ სწრაფად იზრდებოდა... - მშობლები

მან იცოდა, რომ რაღაცაში იყო საქმე... მან იცოდა, რომ რაღაც უჩვეულო ხდებოდა მის თავს. ორსულობის ვადასთან შედარებით მუცელი სწრაფად ეზრდებოდა.

ავსტრალიელ ქლოე და როქ დანსტანებს უკვე ჰყავდათ სამი ბიჭი, რომ ქალი მე-4-ჯერ დაორსულდა. იმედი ჰქონდათ, რომ ამჯერად გოგონა შეეძინებოდათ.

სამი ბიჭის გაზრდა სირთულეებთან იყო დაკავშირებული, მაგრამ წყვილს ისე უნდოდა გოგო, რომ გადაწყვიტეს, სანამ ღმერთი აძლევდათ, გაეჩინათ მეოთხეც. მე-4 ორსულობა უცნაურად მიმდინარეობდა. ქლოეს მუცელი უჩვეულო ფორმისა და სიდიდის იყო. უკვე ორსულობის პატარა ვადაზე უჭირდა მოძრაობა. არც ერთ ბიჭზე მსგავსი შეგრძნებები არ ჰქონია.

მალევე მიაკითხა ექიმს. ექოსკოპიის პასუხმა წყვილი გააოგნა. ქლოეს 3 ბავშვი ეჯდა მუცელში.

თავიდან იყო შოკი.

ერთ-ერთი ბავშვი ვერ იღებდა საკმარისი რაოდენობის ჟანგბადს, რაც მის სიცოცხლეს საფრთხეს უქმნიდა. სწორედ ეს პატარა იყო ნანატრი გოგონა. დანარჩენი ორი - ბიჭები იყვნენ. ისინი ნორმალურად ვითარდებოდნენ, მესამე ბავშვის მდგომარეობა კი დღითი დღე უარესდებოდა. საჭირო იყო არჩევანის გაკეთება.

ტყუპი კანის სხვადასხვა ფერით ინსტაგრამის ვარსკვლავად იქცა

მდგომარეობა მძიმდებოდა. ბავშვი იღუპებოდა ჯერ კიდევ დედის მუცელში. ექიმებმა შესთავაზეს მშობიარობის ხელოვნურად გამოწვევა და ბავშვების ნაადრევად დაბადება. მშობლებიც დათანხმდნენ. ბავშვები დაიბადნენ დღენაკლულები და სუსტები. ექიმები ცდილობდნენ მათი მდგომარეობის გაუმჯობესებას, უკეთებდნენ სისხლის გადასხმას. მკურნალობდნენ ინტენსიური თერაპიის განყოფილებაში.

"ვიცი გადარჩება. რადგან შეძლო 28 კვირამდე მოსვლა, სხვა სირთულეებსაც გაუძლებს," - ამბობდა ქლოე.

ეს ისტორია ბედნიერად დასრულდა. უფროსი ძმების სიხარული უსაზღვრო იყო, როდესაც მშობლები სამი ბავშვით დაბრუნდნენ შინ.