"ჩემს მშობლებს რომ ვუყურებდი, ყოველთვის ვოცნებობდი, ჩემი საკუთარი ოჯახიც ისეთივე ძვირფასი ყოფილიყო" - ცნობილი მომღერლის ოჯახური ბედნიერება - მშობლები

მალე პატარა რაკუნიოც შეგვეძინება "ძალიან მიხარია რომ შევქმენი სიყვარულით სავსე ოჯახი და დიდი იმედი მაქვს, რომ მალე პატარა რაკუნიოც შეგვეძინება... რაც ყველაზე მნიშვნელოვანია დიდი ხელშეწყობა მაქვს. ჯაკომო და მისი ოჯახის წევრები ყველანაირად მეხმარებიან. დიდ სტიმულს მაძლევენ ჩემს კარიერაში რომ წინ წავიდე"... ამბობს აღიარებული ქართველი საოპერო მომღერალი - თეონა დვალი...

თეონა დვალი ოჯახურ ბედნიერებაზე გვესაუბრა

- მე და ჯაკომო რაკუნიომ ერთმანეთი მოსკოვში გავიცანით დაახლოებით ექვსი წლის წინ... პლაჩიდო დომინგოს სახელობის საერთაშორისო კონკურსზე ვიმყოფებოდი, ჯაკომო კი თავის ბიზნესსაქმეებისთვის იყო ჩამოსული. ვინაიდან ჩემი მეუღლე მელომანია, კონკურსზე მოსასმენად მოვიდა ზუსტად იმ დღეს, როდესაც მე ვმღეროდი... კონკურსის შემდეგ ჩემთან მოვიდა და კომპლიმენტებით ამავსო. მითხრა, რომ ძალიან მოვეწონე, როგორც მომღერალი. შემდეგ სოციალური ქსელის მეშვეობით დავიწყეთ მეგობრობა და დაახლოებით წელიწადნახევრის წინ ჩვენი მეგობრობა სიყვარულში გადაიზარდა...

- როგორ გრძელდებოდა თქვენი უმშვენიერესი სიყვარულის ისტორია?

- წელიწადნახევრის წინ გადავწყვიტეთ სიყვარულისთვის შანსი მიგვეცა. ჯაკომომ ყოველთვის იცოდა, სად ვიყავი და რას ვაკეთებდი... ყოველი დღე მის გვერდით გატარებული უბედნიერესია. ძალიან დიდ სიხარულს და სიყვარულს მჩუქნის.

- როგორც პრესამ გააშუქა, ორი ქორწილი გქონდათ...

- დიახ... პირველი ქორწილი იტალიაში, პატარა, ადრიატიკის ზღვისპირა ქალაქში – ნუმანაში გვქონდა. ყველაფრის ორგანიზება დედამთილმა გასწია, რომელიც საოცარი ქალია, ძალიან დახვეწილი გემოვნების და მას თვალდახუჭული ვენდობი. ქორწილი არაჩვეულებრივ გარემოში გვქონდა, საიდანაც ულამაზესი პანორამა იშლება... ჩამოსული იყვნენ ჩემი ოჯახის წევრები - მშობლები, ძმა, რძალი, ძმიშვილები... მეჯვარე –გვანცა ჭელიძე საგანგებოდ ნიუ-იორკიდან ჩამოვიდა.

საფრანგეთიდან ჩამოვიდნენ მუსიკოსი ნიკა ნიკვაშვილი და ჯაბა ქარსელაძე, თბილისიდან - ჩემი მეორე მეჯვარე, ბავშვობის მეგობარი –თეონა ბაღდავაძე. ასევე თბილისიდან ჩამოვიდა ჩემი კიდევ ერთი ბავშვობის მეგობარი. ძალიან დიდი სიხარული იყო, როდესაც ჩეემს გვერდით იყვნენ უახლოესი ადამიანები, რომლებთან ერთადაც მთელი ცხოვრება გავატარე... მეორე ქორწილი თბილისში გვქონდა. ძალიან მინდოდა, რომ ქართული, ტრადიციული ქორწილი ყოფილიყო... ჯაკომომ ქართული ცეკვა შეისწავლა, ამისთვის მხოლოდ სამი გაკვეთილი დასჭირდა. ქართულადაც იმღერა - "მხოლოდ შენ ერთს"... უამრავი სტუმარი გვყავდა, დაახლოებით – 270 ადამიანი. მეგობრები ყველა სფეროდან და ნათესავები. ყველამ საჩუქარი გაგვიკეთა ქორწილში, იმღერა ან იცეკვა... გვყავდა ანსამბლი "შვიდკაცა", ნიკოლოზ რაჭველი, სოფო ნიჟარაძე, ლელა წურწუმია, ნატო მეტონიძე, ლიზა ბაგრატიონი, საფრანგეთიდან საგანგებოდ ქორწლისთვის ჩამოვიდა მუსიკოსი –ნიკა ნიკვაშვილი. Nნინო ქათამაძე ვერ ჩამოვიდა, რადგან იმ დღეს კონცერტი დაემთხვა... საოპერო სფეროდან იყო –ნინო სურგულაძე და ასევე უამრავი ჩვენი ახლობელი... ძალიან დაგვეხმარა – მარიამ მათიაშვილი, რომელმაც ცეკვა შეგვასწავლა. მან და თეა დარჩიამ საოცრად იცეკვეს ქორწილში და დაგვამშვენეს... ყველას მინდა, უღრმესი მადლობა გადავუხადო თქვენი საიტის მეშვეობით და მივეფერო...

- რას ნიშნავს თქვენთვის ოჯახური ფენომენი?

- რა თქმა უნდა, ძალიან რთულია... საერთოდ, ოჯახი ჩემს ცხოვრებაში ყველაზე მნიშვნელოვანია. იმ ოჯახის დახმარებით და წყალობით ვარ დღეს, რაც ვარ, სადაც გავიზარდე. ჩემს მშობლებს რომ ვუყურებდი, ყოველთვის ვოცნებობდი, ჩემი საკუთარი ოჯახიც ისეთივე ძვირფასი ყოფილიყო, იგივე ტრადიციების და ფასეულობების მატარებელი... ძალიან მიხარია, რომ შევქმენი სიყვარულით სავსე ოჯახი და დიდი იმედი მაქვს, რომ მალე პატარა რაკუნიოც შეგვეძინება... რაც ყველაზე მნიშვნელოვანია დიდი ხელშეწყობა მაქვს. ჯაკომო და მისი ოჯახის წევრები ყველანაირად მეხმარებიან. Dდიდ სტიმულს მაძლევენ ჩემს კარიერაში რომ წინ წავიდე.

- სად ცხოვრობთ ახლა?

- ჩვენ ვცხოვრობთ ცენტრალურ იტალიაში, მარკეს რეგიონში... ჩვენს ქალაქს ქვია –ფაბრიანო. არაჩვეულებრივი სახლი გვაქვს. ძალიან მიყვარს აქაურობა რადგან რაჭას საოცრად წააგავს. სულ მთებით არის გარშემორტყმული. პირველი ქაღალდი ევროპაში ამ ქალაქში დაიბეჭდა და გამოიცა... რაც შეეხეა ჩემს სამომავლო გეგმებს, კარიერაში მეტად საინტერესო სამომავლო გეგმები მაქვს: უკვე მყავს ორი აგენტი და ბევრ სიახლეს ვგეგმავთ ერთად. ახლო მომავალში ანკარაში ვიმღერებ არაჩვეულებრივ ტენორთან –მურად კარაჰანთან და რაც ყველაზე სასიხარულოა – ნინო სურგულაძესთან ერთად. კონცერტები მექნება მეგობარ ტენორთან ერთად საუდის არაბეთში... არის მოლაპააკებები იტალიის თეატრებთან და იტალიის საზღვრებს მიღმა. მექნება უამრავი დებიუტი... იმედია წელს გავმართავ სოლო-კონცერტს თბილისში სიმფონიურ ორკესტრთან ერთად, სადაც ჩემი მეგობრებიც გამოვლენ. Aაქ უკვე დაგეგმილია ჩემი სოლო-კონცერტი, სადაც ქართველი კომპოზიტორების რომანსებსაც შევასრულებ!

მანანა გაბრიჭიძე