„მამა ვერ მოესწრო შვილების წარმატებებს...“ ანრი ჯოხაძის ოჯახში ყველა მღერის, შესაბამისად მათ ცხოვრებაში მუსიკას დიდი ადგილი უჭირავს. სამივე დედმამიშვილი, ანრი, ომარი და მაგდა განსაკუთრებული ნიჭით არიან დაჯილდოებულნი და საზოგადოების დიდ ნაწილს თავი სწორედ საკუთარი შემოქმედებით შეაყვარეს. ანრის დედას, კომპოზიტორ რუსუდან ჩხაიძეს, ბევრი იცნობს. ენერგიული და მუდამ ხალისინი ქალბატონი ტელეშოუების სასურველი სტუმარია ხოლმე, მამა კი - სამწუხაროდ, გარდაცვლილი ჰყავთ. დღეს დილით, ანრის დამ - მაგდამ, მამას შესახებ ფესიბუქზე ჩანაწერი გააკეთა.
„გვაცადე, მამიკო, სიმღერა, ჩვენს სახლში კედლებიც მღერიან..." - ასე ვუმღეროდით სამივე და-ძმა მამას.
ცხოვრებაში არის ბევრი რამ, რაზეც ადამიანებს გული გვწყდება. ჩემ შემთხვევაში ეს ჩემს მამიკოს უკავშირდება, რომელიც ვერ მოესწრო თვალი ედევნებინა შვილების წარმატებებს. ანრი, ომარ, დე, გილოცავთ მამიკოს დაბადების დღეს, ის ნამდვილად იამაყებდა კაცობით, განვლილი ცხოვრებით, ასეთი ღირსეული დანატოვარით. მოკლედ, ჩემო ძამიკოებო, გილოცავთ ჩვენი "შემქმნელის" დაბიდუბს! ხის სიმაღლე, ყოველთვის ფესვიდან იზომება. “
თეკლა ჟვანია