ემოციების ზღვა და გრიგალი პატარა ვივიენმა, მამის გულში, სახლში დაბუდების შემდეგ დაატრიალა გიორგი ვივიენის დაბადებას 24 საათს ელოდა. თავიდან, რაიმე განსაკუთრებული ემოცია არ ჰქონია, მთავარი იყო, ბავშვი და დედა თავს კარგად გრძნობდნენ. ემოციების ზღვა და გრიგალი პატარა ვივიენმა, მამის გულში, სახლში დაბუდების შემდეგ დაატრიალა. ბავშვი თავიდანვე ცნობდა და აღიქვამდა - გიორგი ამაში ღრმად არის დარწმუნებული.
ვივიენს ძალიან უყვარს სიარული და სირბილი, განსაკუთრებით მაშინ, როცა მამა მისდევს. ორ რამეს ცდილობს: ფაზლების აწყობა-დაშლასა და სიმღერას. გოგონას ძალიან მოსწონს მამის ნამღერი, რომელიც გიორგის თქმით, ისეთი ვერ არის, როგორიც ადელის, რაც მთავარია, შვილისთვის უფრო მეტს ნიშნავს. მისთვის სააღმზრდელო საქმიანობაში მონაწილეობა სასიამოვნო პროცესია.
გიორგი ამბობს, რომ არ ესმის მამების, რომლებიც ბავშვის სქესზე ფიქრობენ, რადგან მნიშვნელობა არ აქვს.
გიორგი მანთიძე, 29 წლის
ფოტოგრაფი - ირაკლი ტაბატაძე
პროექტი "ჩემი გოგო" მიმართულია სელექციური აბორტის წინააღმდეგ. მხარდამჭერები: თბილისის მერია, "სორსფაბრიკი", "შვედეთის საერთაშორისო განვითარების სააგენტო", ფონდი "ღია საზოგადოება - საქართველო".