"შამანია,შამანთა შორის უშამანესი"- რას წერს ხატია ჯოხარიძე დედამთილის შესახებ ? - მშობლები

"მასთან დაწყებული საუბრისას, დროს ვაკონტროლებ, მაგრამ უშედეგოდ"

რძალ-დედამთილობა, როგორც ასეთი - ასეთი სათაურით ბლოგერი გურამ შეროზია თავისი ცოლის, ხატია ჯოხარაძის პოსტს აქვეყნებს, საიდანაც ნათლად ჩანს რძლის დამოკიდებულება დედამთილის მიმართ.

აი, რას წერს სტუმარი ბლოგერის რანგში ხატია ჯოხარიძე გურამის დედაზე.

"- ერთი გოგოა, კუსას მეძახის (ზოგჯერ ცუნცულას, მოსაფერებელი სიტყვების მოგონებაში ბადალი არ ჰყავს)... მისი შემოსვლიდან ჩემს ცხოვრებაში ახალი ფერი გაჩნდა, ისეთი უცნაური და ბუნებაში არარსებულია ეს ფერი, რომ...

- მასთან დაწყებული საუბრისას, დროს ვაკონტროლებ, მაგრამ უშედეგოდ, დასრულებისას ვხვდები, რომ დიდი ხნის წინ ჩაიარა ჩემი დაძინების საათმა, მალე გათენდება...

- უჩვეულოდ უყვარს ჩემი გაჩენილი ბედნიერება.

- უჩვეულოდ კეკლუცია და ჩემზე მეტად პრანჭია.

- აი იუმორი უჩვეულო კი არა, ჩვეულზე ბევრად ხარისხიანი აქვს.

- არავინ და არაფერი გეზარება მასთან ერთად.

- ჯერ ერთხელ, ხუთი წუთით მაცხოვრა ტყუილში (მძულს ერბო, მან კი ერბოში გაკეთებული სუპი მაჭამა, მხოლოდ ბოლო კოვზზე გამომიტყდა, კმაყოფილი და ეშმაკურნარევი მზერით).

- შამანია, შამანთა შორის უშამანესი.

- მხოლოდ მისნაირ ციცინათელებს შეუძლიათ იმ სტერეოტიპის დანგრევა, ჯადოქრის როლი რომ არგუნა ცხოვრების რეჟისორმა ვაჟის და რძლის ცხოვრებაში.

- აი, ისეთი "გემრიელია", უნდა გიყვარდეს, უკონკურენტოა ყველა სხვა ემოციური დაშვება მასთან!

"ჩემი დედამთილი ორ კვირაში ერთხელ ჩამოდის, არეულ სახლს მილაგებს, 4-5 დღის საჭმელს მიკეთებს..."

მოისროლეთ ფამილარობა და იყავით ლაღები, უშიშრები და გაწონასწორებულები, კარგია სიფერადეში ახალი უცნაური ფერის არსებობა.

P.S. ეს მარია, ჩემი მარი.

მასთან ერთად ჩაისაც სხვა გემო აქვს, ჩაი კი არ არის სხვანაირი, ატმოსფერო, ატმოსფერო, რომელსაც ეს გოგო ქმნის!" - წერს ხატია ჯოხარიძე.