მარკ ცუკერბერგი: "ვერ ვიჯერებ, მაქსი უკვე თხილამურებზე დგას" (ვიდეო) - მშობლები

"ვოცნებობთ, ვნახოთ როგორი გაიზრდები"

მარკ ცუკერბერგი და პრისცილა ჩანი 2012 წლის 19 მაისს დაქორწინდნენ. წყვილს პირველი შვილი მაქსი 2015 წლის 1-ელ დეკემბერს შეეძინა. მაშინ სოციალური ქსელის Facebook- ის დამფუძნებელმა ღია წერილი გამოაქვეყნა და ახალშობილ ქალიშვილს შეჰპირდა, რომ ყველაფერს გააკეთებს, რათა სამყარო ოდნავ მაინც შეცვალოს უკეთესობისკენ და ეს მხოლოდ სიტყვები არაა, მარკი გეგმავს დროთა განმავლობაში შეელიოს Facebook-ის აქციების 99%-ს, თანხა კი, ქველმოქმედებაში დააბანდოს. წერილის დასასრულს იგი შვილს მიმართავს და ეუბნება: "ვოცნებობთ, ვნახოთ როგორი გაიზრდები".

როგორც ჩანს, ცუკერბეგი თავის სიტყვებს არ ღალატობს და აქტიურად ადევნებს თვალს შვილების აღზრდის პროცესს, ცვლილებებს მათ ცხოვრებაში. მან საკუთარ ფეისბუქგვერდზე გამოაქვეყნა მაქსის ვიდეო, რომელიც თხილამურებზე დგას: "ვერ ვიჯერებ, მაქსი უკვე თხილამურებზე დგას".