"თავის დროზე პატრონი რომ ჰყოლოდა, ბევრ ეგრეთ წოდებულ ქართველ მომღერალ ვარსკვლავზე უფრო მეტად წარმატებული იქნებოდა" სოციალურ ქსელში მამა პეტრემ ყველასათვის ცნობილ ქალბატონ შუშანასთან გადაღებული ვიდეო გამოაქვეყნა და აღნიშნა, რომ დიდია ხანია ჰქონდა მისი გაცნობის სურვილი.
- როგორ გაიგეთ მის შესახებ და როდის გაგიჩნდათ მისი პოვნის სურვილი?
- ქალბატონ შუშანას მთელი საქართველო იცნობს. წარმოშობით არის გორიდან. სოფელ რკინის ხიდიდან. ძირითადად გორში მოძრაობს. დადის ქელეხებში და ქორწილებში. ჭავჭავაძის ქუჩაზე ლომბარდებს და მაღაზიებს ალაგებს. შეიძლება მას ბევრი ეხმარებოდეს, მაგრამ ზოგიერთი ადამიანი ფულს სძალავს. შესაბამისად, სათანადოდ ვერ იყინებს იმ თანხას, იმ შემოწირულობებს, რომ ნორმალურად იცხოვროს და ლუკმა-პური არ ენატრებოდეს და ჩასაცმელი. ეტყობა ვიღაცები წილში არიან შუშანას შემოწირულობებთან და ამიტომ ვერ ახერხებს შეგროვილი ფული საკუთარ თავს და ოჯახს მოახმაროს. მას განსაკუთრებით სჭირდება ფეხსაცმელები. მითხრა, იქნებ, რამე მომიხერხოო. 41 ზომაა ფეხის ზომა. მის დასახმარებლად დამიკავშირდნენ, თუმცა დახმარების კუთხითაც ურთიერთგამომრიცხავი აზრებიც ჩამოყალიბდა საზოგადოებაში და ეს ძალიან მტკივნეულია. მე მთელი სულით და გულით ჩავედი, რომ გვერდზე დავდგომოდი მატერიალურად. ის არის კეთილი და სჭირდება ადამიანური სითბო, სიყვარული. თუ ჩვენ მატერიალურად ვერ დავეხმარებით, მორალურად მაინც უნდა შევძლოთ მისი დახმარება.
- ვისთან ერთად ცხოვრობს?
- მშობლებთან ერთად ცხოვრობს. ძალიან უჭირთ. სიღარიბის ზღვარს მიღმა არიან და ფულს, რომ ართმევენ ამ ფაქტმა კიდევ უფრო შემძრა. ის ხელგაწვდილი დგას ქუჩაში, დადის რეტორნებში, კაფე-ბარებში და მოწყალებას ითხოვს. გარდა იმისა, რომ შუშანა გორის კოლორიტია, ძალიან ნიჭიერია. თავის დროზე პატრონი რომ ჰყოლოდა, დამიჯერეთ, ძალიან ბევრ ეგრეთ წოდებულ ქართველ მომღერალ ვარსკვლავზე უფრო მეტად წარმატებული იქნებოდა. არის სიმღერა, რომლის ტექსტიც და მუსიკაც შუშანს ეკუთვნის და რომელიღაც ადამიანმა მიითვისა, გამოაცხადა, რომ მისი ნამღერი იყო. მერე გაირკვა, რომ ეს ადამიანი იყტუებოდა.
- თუ გაქვთ ინფორმაცია, როდის დაიწყო შუშანამ ლექსების წერა და ვის უძღვნის სიმღერებს?
- მე როგორც გავარკვიე, მისი მდგომარეობის გამო, უამრავმა კითხვის ნიშანმა მოიყარა თავი. ურთიერთსაწინააღმდეგო აზრებიც გაჩნდა, მაგრამ ყველა ერთხმად თანხმდება, რომ ის არის ძალიან შეყვარებული და მან ამ სიყვარულში დიდი იმედგაცრუება ჰპოვა. ამიტომ გახდა ისეთი, როგორიც დღეს არის. ამბობენ, რომ შეყვარებული გარდაეცვალა, იმასაც ამბობენ, რომ შეყვარებულმა ცოლად სხვა მოიყვანაო. ამის შემდეგ დაიწყო წერა და მღერა. მან ჩაწერა სტუდიურად სიმღერაც და როგორც თვითონ უწოდებს თავის თავს, ის არის მომღერალი შუშანა - ქეთევან ყარალაშვილი, რომელსაც სურს მონაწილეობა მიიღოს "ნიჭიერში" და X ფაქტორში, თუმცა ამ პროექტების გარეშეც შეიძლება, თამამად ითქვას, რომ ძალიან დიდი ნიჭი აქვს ღვთისგან მომადლებული, ოღონდ ამ ნიჭის სწორად განვითარება ვერ მოხერხდა. მე ყველაზე მეტად მტკივა გული იმის გამო, რომ ხშირ შემთხვევაში ცინიკურად უყურებენ., დასცინიან და აბუჩად იგდებენ, როგორც ხდება ხოლმე ჩვენს ქვეყანაში. ამიტომაც გამიჩნდა სურვილი ჩავსულიყავი და მენახა. მის შინაგან სამყაროში ძალიან ბევრი კარგ რამ დავინახე.ჩემთვის ძალიან ძვირფასი ადამიანი გახდა.
- თბილისში დაპატიჟეთ, როდის გესტუმრებათ?
- დღეს დამირეკა, მითხრა: "მალე წამიყვანე თბილისშიო", მაგრამ ამ ეტაპზე ვერ ვახერხებ, რადგან ხვალ ღამის თევაა შობის დღესასწაულთან დაკავშირებით და ღმერთმა ინებოს, ყველა ჩვენგანის სულში იშვას მაცხოვარი. განსაკუთრებით მწამს, რომ შუშანასნაირ ადამიანებში უფრო დიდი დოზით არის უფალი და ძალიან ბევრი გვჭირდება იმისათვის, რომ შუშანას დონემდე მივიდეთ.
რუსკა კილასონია