სოციალურ ქსელში მშობლებს შორის გავრცელდა ინფორმაცია, რომ საბავშვო ბაღებში შეიძლება სააღმზრდელო პროცესი გადაიდოს სოციალურ ქსელში მშობლებს შორის გავრცელდა ინფორმაცია, რომ საბავშვო ბაღებში შეიძლება სააღმზრდელო პროცესი გადაიდოს.
როგორც თბილისის მერის მოადგილე ირაკლი ბენდელიანმა "ინტერპრესნიუსს" განუცხადა. საბავშვო ბაღებში სააღმზრდელო პროცესი დაგეგმილად, 15 იანვარს განახლდება.
მისი თქმით, საბავშვო ბაღებში სწავლის დაწყების თარიღის გადაწევასთან დაკავშირებით გავრცელებული ინფორმაცია სიმართლეს არ შეესაბამება და საზოგადოების შეცდომაში შეყვანას ისახავს მიზნად.
"ეს სრული აბსურდია და სინამდვილეს არანაირად არ შეესაბამება. მინდა მივმართო იმ პირებს, ვინც მსგავსი სახის დეზინფორმაციას ავრცელებს, რომ წინასწარ გადაამოწმონ შესაბამის სამსახურებში ინფორმაცია, რომლის გავრცელებასაც აპირებენ, ვინაიდან, ეს მოსახლეობის შეცდომაში შეყვანას ემსახურება და სიმართლეს არ შეესაბამება. სწავლის პროცესი იმ ვადებში დაიწყება, რა ვადებშიც იყო დაგეგმილი", - განაცხადა თბილისის მერის მოადგილემ.