დოლორესი მხოლოდ 46 წლის იყო ახლახან მთელი მსოფლიო შეძრა ლეგენდარული ჯგუფის The Cranberries-ს სოლისტის დოლორეს ორიორდანის იდუმალებით მოცულმა და მოულოდნელმა სიკვდილმა. დოლორესი მხოლოდ 46 წლის იყო. მისი ცხედარი ლონდონის სასტუმროს ნომერში იპოვეს. სკოტლანდ-იარდს ჯერაც ვერ გაურკვევია სიკვდილის მიზეზი.
დოლორესი მრავალშვილიანი ოჯახის ყველაზე უმცროსი შვილი იყო. მუსიკისადმი გამორჩეული ნიჭი ბავშვობიდანვე გამოავლინა და 12 წლისამ თავისი პირველი სიმღერა დაწერა. თუმცა უბრალო პარიკმახერად მუშაობდა, როცა ჯგუფის სოლისტის ვაკანსიის შესახებ განცხადება წაიკითხა.
18 წლის იყო, როცა ჯგუფის სოლისტი გახდა. მაშინ ვერავინ წარმოიდგენდა, რომ ეს კაფანდარა გოგო ძლიერი ირლანდიური აქცენტით როკ-მუსიკის ლეგენდა გახდებოდა.
„ჩემს ოჯახში 12 ბავშვი იყო. ეს გამუდმებულ ხმაურსა და მხიარულებას ნიშნავდა. ახლაც მიყვარს, როცა ბავშვებით ვარ გარშემორტყმული. ყველაზე მეტად ეს მჭირდება, ასე ვგრძნობ თავს კომფორტულად“ - ეს სიტყვები არაერთხელ უთქვამს დოლორესს ჟურნალისტებისთვის.
ორიორდანი ჯგუფ Duran Duran-ის მენეჯერზე, დონ ბარტონზე დაქორწინდა. მას ხუთი შვილი დარჩა. ოჯახი სთხოვს ყვითელ პრესას, კითხვებით არ შეაწუხონ და ძვირფასი ადამიანის გლოვის საშუალება მისცენ.
ორიორდანი ჯგუფ Duran Duran-ის მენეჯერზე, დონ ბარტონზე იყო დაქორწინებული. მას ხუთი შვილი დარჩა. ოაჯახი სთხოვს ყვითელ პრესას, კითხვებით არ შეაწუხონ და ძვირფასი ადამიანის გლოვის საშუალება მისცენ.
მუსიკოსის მოულოდნელი და ტრაგიკული გარდაცვალება უკვე მისი ალბომების გაყიდვაზეც აისახა. გავრცელებული ინფორმაციით, დისკებზე მოთხოვნა 900 პროცენტით გაიზარდა.