ყველაზე პატარა ბავშვი, რომელიც შოკოლადის ფილის ზომის დაიბადა - ნახეთ ვიდეო - მშობლები

ორსულობის განმავლობაში დედა იტანჯებოდა მაღალი არტერიული წნევით და მშობიარობამდე ბავშვის სიცოცხლე საფრთხის ქვეშ აღმოჩნდა

ახალშობილი მანუში, რომელი 12 კვირით ადრე დაიბადა, იწონიდა დაახლოებით 450 გრამს, ფაქტობრივად იმდენს, რამდენსაც შოკოლადის ფილა იწონის. მისი სიგრძე დაახლოებით 21 სანტიმეტრი იყო და აზიაში დაბადებულ ყველაზე პატარა ბავშვად ითვლება.

როგორც ირკვევა, მთელი ორსულობის განმავლობაში დედამისი მაღალი არტერიული წნევით იტანჯებოდა. მშობიარობამდე წნევა მოემატა, რითაც ბავშვის სიცოცხლე საფრთხის ქვეშ აღმოჩნდა. როცა მანუში დაიბადა, არ სუნთქავდა, ჰქონდა ფილტვების, გულის, ტვინის, თირკმლების პრობლემა. ამიტომ დაუყოვნებლივ დაუყენეს ექიმებმა რესპირატორი ფილტვების მუშაობის გასაუმჯობესებლად. მას არ შეეძლო ნორმალურად კვება. თავდაპირველად ძალიან გახდა, მაგრამ 6 კვირის შემდეგ დაიწყო რძის მიღება.

ახლა, დაბადებიდან 6 თვის შემდეგ ბავშვის ჯანმრთელობის მდგომარეობა დამაკმაყოფილებელია და ის საავადმყოფოდან 210 დღის შემდეგ სახლში გაწერეს. ექიმების განმარტებით, მანუშის ტვინი სტრუქტურულად ნორმალურია და თვალებიც განუვითარდება ისე, როგორც საჭიროა.

მანუშის მკურნალობისთვის საჭირო თანხა 1 000 000 რუპიას შეადგენდა, თუმცა საავადმყოფომ მშობლებს დაბალი ფინანსური შემოსავლის გამო მინიმალური თანხა გადაახდევინა.

ინდოელი მშობლებისთვის, სიეტასთვის და გირირაჯისთის, როგორც თვითონ ამბობენ, მანუში ნამდვილი საოცრებაა და თამამად აღნიშნავენ, თუ როგორ იბრძოდა პატარა გადარჩენისთვის.