ორსულმა ქალმა თვალი შესწირა თავის ტყუპებს - მშობლები

ექიმები შიშობდნენ, რომ ვერაგ დაავადებას შეიძლებოდა დაეზიანებინა ტყუპები საშვილოსნოში...

ექიმები შიშობდნენ, რომ ვერაგ დაავადებას შეიძლებოდა დაეზიანებინა ტყუპები საშვილოსნოში...

გასული წლის ნოემბერში 31-ე კვირის ორსული ჯესიკა ბოსმილერი მართავდა მანქანას და უცებ შეამჩნია, რომ ცუდად ხედავდა მარჯვენა თვალით. ჯესიკა და მისი მეუღლე მარკი დიდხანს ცდილობდნენ მესამე ბავშვის გაჩენას, მაგრამ უშედეგოდ. ბოლოს წყვილმა გადაწყვიტა ხელოვნური განაყოფიერებისთვის მიემართათ. 37 წლის ჯესიკა დაფეხმძიმდა ტყუპებზე.

ქალი შიშობდა, რომ მხედველობის გაუარესება შეიძლებოდა ყოფილიყო პრეეკლამპსიის (მძიმე გართულება ორსულობის დროს) ნიშანი. ამიტომ მიაკითხა თავის გინეკოლოგს. გამოკვლევის შემდეგებმა გამორიცხა ეს დაავადება. გინეკოლოგმა გააგზავნა ოფთალმოლოგთან.

ჯესიკას დაუსვეს უმძიმესი დიაგნოზი: სიმსივნის იშვიათი ფორმა - ოკულარული მელანომა. ასეთი სიმსივნე სწრაფად იზრდება და იძლევა მეტასტაზებს. თვალის სიმსივნით ავადდებიან 55 წელს ზევით ადამიანები, თუმცა იშვიათად დაავადება ახალგაზრდებშიც გვხვდება. ერთი კვირის შემდეგ, ონკოლოგთან კონსულტაციის შემდეგ, ჯესიკამ მარცხენა თვალით წაიკითხა კომპიუტერის ეკრანზე წარწერა: რეკომენდაცია: ენუკლეაცია. ენუკლეაცია - სიმსივნის მოშორების ერთ-ერთი მეთოდია, რაც ამ შემთხვევაში ნიშნავდა თვალის ამოღებასაც.

"რა თქმა უნდა, სახლში დავგუგლე ამ დაავადების მკურნალობის ყველა მეთოდი. მივხვდი, რასაც ნიშნავდა ჩემი დიაგნოზი. ბევრი შეკითხვა მქონდა ექიმთან. ვიცოდი, რომ იქნებოდა საშუალება ვიზუალური მხარის "გამოსწორებისა", მთავარი იყო თვალის პროტეზირება", - ამბობს ჯესიკა.

იყო ალტერნატივაც - სხივური თერაპია. ამ შემთხვევაში ექიმებს უნდა ეკონტროლებინათ სიმსივნის ზომები, რადგანალბათობა იმისა, რომ თავიდან გაიზრდებოდა- დიდი იყო. ჯესიკა მაინც დაკარგავდა მხედველობას, ამიტომ სიმსივნის მოშორება და თვალის ამოღება ნაკლებად სტრესულ მდგომარეობად ეჩვენებოდა.

"იმის მაგივრად, რომ მეფიქრა იმაზე, რომ დავკარგავდი ჩემი სხეულის ნაწილს, ვფიქრობდი რაც შეიძლება დიდხანს ვყოფილიყავი ჩემი შვილების გვერდით. ვიცოდი, რომ ჩემი ვიზუალური მხარე არ იმოქმედებდა დედობაზე", - ამბობს ჯესიკა. ქალს გადაწყვეტილების მიღება გაუადვილა ასევე იმანაც, რომ მელანომას შეიძლებოდა შეეღწია პლაცენტიდან ნაყოფში, რაც ნაყოფისთვის სასიკვდილო იქნებოდა. მოხდა თუ არა უკვე ნაყოფის დასნებოვნება - ამ კითხვაზე პასუხი არ არსებობდა. მხოლოდ მშობიარობის შემდეგ, პლაცენტის გამოკვლევისას გახდა ცნობილი, რომ ყველაფერი რიგზე იყო.

უფროს შვილებს (ბიჭები 7 და 9 წლისები არიან) ასე აუხსნეს დედის ავადმყოფობა: მათ სიმსივნე შეადარეს მინდვრის სარეველას, რომელიც, თუ არ ამოიღებდნენ, მთელ მინდორს მოედებოდა. " ჩვენ ვეუბნებოდით თუ რა მაგარ ფორმაში ვიქნებოდი შემდგომ, მეკობრის ასახვევით - სანამ ჭრილობა შეხორცდებოდა. შემდეგ ვაჩვენე ადამიანები, რომლებიც ატარებდნენ თვალის პროთეზებს", - იხსენებს ჯესიკა. ენუკლეაციის პროცედურა დაგეგმილი იყო 30 ნოემბერს, ორსულობის 35-ე კვირაზე. გართულების შემთხვევაში ექიმები მზად იყვნენ საკეისრო კვეთისთვის. ოპერაციის წინ ჯესიკამ გაათვითცნობიერა, რომ უკანასკნელად უყურებდა თავის ქმარ-შვილს ორივე თვალით.

ოპერაციამ გართულებების გარეშე ჩაიარა. ნარკოზის შემდეგ, როდესაც ჯანმრთელი თვალი გაახილა, დაინახა მედდა, რომელიც გვერდით ეჯდა და ნაყოფის გულისცემას უსმენდა. მას დაეწყო ძლიერი ტკივილები სიმსივნის ამოკვეთის ადგილზე. რამდენიმე დღის შემდეგ, როდესაც სარკეში ჩაიხედა, თქვა: "საწყალი ჩემი ქმარი! მას მოუწევს ამის ყურება ყოველდღე!"

როდესაც ჭრილობა მოშუშდება, მას ჩაუსვამენ შუშის თვალს, რომელიც ვიზუალურად ძალიან ჰგავს ნამდვილს.

როდესაც ბიჭებმა პირველად დაინახეს დედა ნახვევის გარეშე, მოეხვივნენ და ეკითხებოდნენ სტკიოდა თუ არა ჭრილობა?თავის ტკივილმა 2 კვირაში გაუარა. მშობიარობამდე წოლითი რეჟიმი ჰქონდა. დეკემბრის ბოლოს დაიბადნენ ჯანმრთელი ტყუპები - ბიჭი მეისონი და გოგონა - პაიპერი.

ჯერჯერობით ჯესიკა სახვევით დადის. თებერვალში გეგმავს სამსახურში დაბრუნებას.

ექიმებმა, რომლებმაც გამოიკვლიეს სიმსივნე, უთხრეს ჯესიკას, რომ მას ჰქონდა ურთულესი სახეობის სიმსივნე, რომელიც გავრცელდებოდა უფრო შორს. ოპერაცია ნამდვილად დროული აღმოჩნდა. პლაცენტის გამოკვლევამ აჩვენა, რომ მასზე არ იყო გავრცელებული მეტასტაზები. მართალია, ექიმები იტოვებენ 50%-იან ალბათობას მეტასტაზების განვითარებისა სხვადასხვა ორგანოებში, რაზეც ჯესიკა ასე ფიქრობს: "50%-იანი ალბათობა სიმსივნის განვითარებისა უდრის 50%-იან შანსს, რომ ეს არ მოხდება".

მოამზადა სალომე გორგოშიძემ