მარტოხელა დედა, რომელიც უმძიმეს პირობებში ზრდის 5 შვილს - მშობლები

მარტოხელა დედა, რომელიც უმძიმეს პირობებში ზრდის 5 შვილს

2018-01-29 06:31:13+04:00

დედას ჯანმრთელობის სერიოზული პრობლემები აქვს და ოჯახის რჩენის სიმძიმე 14 წლის რომანიკოს აწევს მხრებზე 38 წლის ლია სოზიაშვილი მარტოხელა დედაა, რომელსაც ჯანმრთელობის სერიოზული პრობლემები აქვს და რომელმაც ამ ბოლო დროს 2 ოპერაცია გაიკეთა (თუმცა საერთო ჯამში 14-მდე). 5 შვილს ზრდის მარტო, ქმარი გარდაეცვალა და თავად ობოლთა თავშესაფარში გაზრდილს, გულშემატკივარი და ნათესავიც არავინ ჰყავს. 17 წლის მათე, 14 წლის რომანიკო, 13 წლის გიორგი, 12 წლის ქეთი და ყველაზე პატარა - 10 წლის ზუკო ლომიშვილები ახლა საპატრიარქოს საერთო საცხოვრებელში ცხოვრობენ. ლია ამბობს რომ ახლა სამოთხეში ცხოვრობს, რადგან თავშესაფარი აქვს, თუმცა პირობები საშინელია, წლების განმავლობაში არც სინათლე ჰქონდა, არც გაზი აქვს და ახლა შეშის ღუმელით თბებიან.

ოჯახის რჩენის სიმძიმე 14 წლის რომანიკოს აწევს, ის უვლის თავის და-ძმებს, ასევე ოჯახური საქმეები თავის თავზე აქვს აღებული, ძალიან უყვარს ხატვა, ძერწვა, და ოცნებობს კიდევ უფრო კარგად ისწავლოს ხატვა. ჯერ რა უნდა, რომ გამოვიდეს, არ იცის.

mshoblebi

ოჯახში ერთადერთი გოგო ქეთია, 15 იანვარს 12 წლის გახდა და თან ყველაზე ცელქია, მოუსვენარი, თვალებში სულ „ჭინკები“ დაუხტიან. ასევე დედიკოს ეხმარება სახლის დალაგებაში. ამ ბავშვების სურვილი დედიკოს ჯანმრთელობაა, უნდათ, რომ ჯანმრთელი ჰყავდეთ, როცა საავადმყოფოდან გამოდის, ეხმარებიან ყველაფერში.

mshoblebi

ეს ოჯახი ჯგუფმა "ყველაფერი კარგად იქნება... სიკეთის კვალდაკვალ" გაგვაცნო. სწორედ მათ ინახულეს პატარები და რითაც შეეძლოთ, დაეხმარნენ. იმედია, ჩვენს მკითხველებს შორისაც გამოჩნდებიან დახმარების მსურველები.

ლიას ტელეფონის ნომერია: 555138304