როგორ ცხოვრობს მსოფლიოს ყველაზე მდიდარი ადამიანის ქალიშვილი? - მშობლები

მამამისი თავისი უზარმაზარი ქონების მხოლოდ მცირე ნაწილს უტოვებს შვილებს, დანარჩენს ქველმოქმედებას მოახმარს ბილი და მელინდა გეიტსები 1994 წელს დაქორწინდნენ და დღემდე საგულდაგულოდ მალავენ პირადი ცხოვრების ნიუანსებს.

იგივე არ ითქმის მათ უფროს 21 წლის გოგონაზე - ჯენიფერ კატარინ გეითსზე. გოგონა აქტიურ ცხოვრების წესით ცხოვრობს. სწავლობს, დაკავებულია საცხენოსნო სპორტით, მოგზაურობს ოჯახთან და მეგობარ ბიჭთან ერთად და სოციალურ ქსელში აზიარებს ცხოვრების საინტერესო მომენტებსა და შემთხვევებს.

გოგონა შორსაა უზრუნველი და გლამურული ცხოვრებიდან, რაც ზოგადად მდიდარ მემკვიდრეებს ახასიათებთ. ამ დროს აუცილებლად გასახსენებელია თავად ბილ გეითსის სიტყვები, რომ ის ბავშვებს თავისი უზარმაზარი სიმდიდრის მხოლოდ მცირე ნაწილს დაუტოვებს და დანარჩენს ქველმოქმედებას მოახმარს.

"ჩვენი - ჩემი და მელინდას ბავშვები მიიღებენ ხარისხიან განათლებას და საწყის კაპიტალს. ასე რომ, ისინი უფულოდ არც ერთ ვარიანტში არ დარჩებიან, მაგრამ თითოეულმა თავისი კარიერა თავად უნდა შექმნას. მათ უფლება აქვთ თავად აირჩიონ საკუთარი გზა, მაგრამ უკიდეგანო ფულის შადრევანი, რომელიც მუქთახორობისკენ უბიძგებს, მათ არ ექნებათ. ფული უნდა დაეხმაროს მათ, ვისაც ის რეალურად სჭირდება".

"თუკი ჩვენ ქონებას ჯენიფერს, რორის და ფიბის დავუტოვებთ, მაშინ მათ საკუთარი თავის რეალიზების მოტივაციას მოვუსპობთ. დარწმუნებული ვარ, რომ ბავშვები იამაყებენ ჩემი და მელინდას გადაწყვეტილებით".

ალბათ კომპანიის მმართველობიდან ჩამოშორებამ და ქველმოქმედებამ ბილს საშუალება მისცა უფრო მეტი და რეალური ცხოვრებისეული ფასეულობა ეჩვენებინა ბავშვებისათვის.

მილიარდერი ცდილობს, რომ ბავშვები დამოუკიდებლები და ადექვატური თვითშეფასებით გაიზარდონ. ჯენიფერის მაგალითით თუ ვიმსჯელებთ, ბილმა ამას მიაღწია. გოგონა ვაშინგტონის გარეუბანში დაიბადა. ზოგჯერ მისი და მამამისის სურათი ცნობილი გაზეთების გვერდებზე ჩნდება.

მორცხვი ჟღალთმიანი გოგონას სურათი ყურადღებას იქცევდა. დღესდღეობით იგი სტენფორდის უნივერსიტეტში იღებს განათლებას და ბიოლოგიის ფაკულტეტის ბოლო კურსზე სწავლობს. ჯენიფერს უყვარს ცხოველები და შესაძლოა სწორედ ამან განაპირობა მისი საცხენოსნო სპორტისადმი სიყვარული.

2017 წლის 23 ივნისს ჯენიფერი მსოფლიო ტურნირსაც კი დაესწრო მონაკოში. როგორც 15 წლის დაიკო ფიბი, ჯენიფერიც ძალიან ჰგავს დედას - მელინდა გეითსს. ბილსა და მელინდას არ უყვართ საკუთარი სურათების გაზიარება და მათ მაგივრად ჯენიფერი აკეთებს ამ საქმეს. მიუხედავად ამისა, სოციალურ ქსელებში მის შესახებ ცოტა რამაა ცნობილი. ჯენიფერი მხოლოდ ისეთ ინფორმაციას აზიარებს, რომელსაც მართლაც მნიშვნელოვნად თვლის და სხვა მდიდარი მემკვიდრეების მსგავსად არ ხვდება სკანდალური გამომცემლობების პირველ გვერდებზე.

სამაგიეროდ მას აქტიური დასვენება და სავსე ცხოვრება უყვარს. სავარაუდოდ, თუ ჯენიფერი საკუთარ ენერგიას მომავალშიც ასე სწორად გაანაწილებს, იგი ისეთივე ცნობილი გახდება, როგორც ლეგენდარული მამამისი.