"ისეთი ემოციური იყო ეს ყველაფერი, მართლა მეცხრე ცაზე ვარ სიხარულისგან..." - წამყვანს პირდაპირ ეთერში სთხოვეს ხელი - მშობლები

"დიახ, თანახმა ვარ... მიყვარხარ და მთელი ცხოვრება მეყვარები..." „დილა მშვიდობისა საქართველოს“ ჟურნალისტის მაიკო ჭაფოძისთვის დღეს ერთი შეხედვით ჩვეულებრივი დილა გათენდა. როგორც ყოველთვის, დღესაც მისი სამუშაო დღე ძალიან ადრე დაიწყო. ჩართვა გუდაურიდან ჰქონდა, გეგმის მიხედვით სიუჟეტის ბოლოს პარაპლანით უნდა გაფრენილიყო, თუმცა ბოლო წუთს ყველაფერი შეიცვალა და პირდაპირ ეთერში, მისმა რჩეულმა დავით ბახტურიძემ მოულოდენლად მაიკოს ცოლობა სთხოვა. რასაკვირველია, ეს სიურპრიზი იყო და ტელეწამყვანმა ცრემლები ვერ შეიკავა. ქორწინებაზე დათანხმდა და მთებში მასთან ერთად „გიჟური ფრენაც“ მოიწყო. მათი ცხოვრების უმნიშვენლოვანესი მომენტის ამაღელვებელი კადრები კი „რუსთავი 2“-ის არქივში დარჩა.

სხვათა შორის, წყვილმა მოახერხა და ბედნიერი ფრენის ამსახველი ფოტოც გადაიღო, რომელიც პირდაპირი და ირიბი მნშვნელობით ამართლებს დასათაურებას - „ბედნიერების მეცხრე ცა“...

ემოციებისგან დატვირთულმა მაიკომ ცოტა ხნის წინ ფეისბუქგვერდზე პოსტიც გამოაქვეყნა:

„ისეთი ემოციური იყო ეს ყველაფერი, მართლა მეცხრე ცაზე ვარ სიხარულისგან... დიახ, თანახმა ვარ... მიყვარხარ და მთელი ცხოვრება მეყვარები...

Sky Kings - მართლა ცის მეფეები ხართ! ისე ოსტატურად მომიწყვეთ ამხელა სიურპრიზი, რომ ეჭვიც არაფერში შემპარვია.

დილა მშვიდობისა, საქართველო, და უღრმესი მადლობა ჩემს უსაყვარლეს და უმაგრესს გუნდს, ჩემი სიხარულის გაზიარებისთვის“.

თეკლა ჟვანია