"ამერიკელი ქალბატონები ხშირად მომმართავენ რჩევებისთვის ბავშვის აღზრდასთან დაკავშირებით. მეკითხებიან, რას ეუბნები რენეს ფინალურ რინგზე გასვლის წინ, ასე გამეტებით რომ ჩხუბობსო?" 5 წლის ქართველი გოგონა რენე, ცოტა ხნის წინ კარატეში რვა წლის გოგონათა შორის მსოფლიო თასის მფლობელი და ჩემპიონიც გახდა, ხოლო იმავე ასაკის ბიჭებში მეორე ადგილი დაიკავა. რენე ფასეიშვილს კარატესადმი სიყვარული მემკვიდრეობით, მამისგან გადაეცა - გოჩა ფასეიშვილი, რომელიც მსოფლიო ჩემპიონი, კიკბოქსინგში კი ამერიკის ვიცე-ჩემპიონია, საქართველოდან შტატებში 20 წლის წინ გაემგზავრა. მსოფლიო ჩემპიონ მამა-შვილს ნიუ-იორკში დავუკავშირდით. ჩემპიონების ოჯახის შესახებ გოჩა ფასეიშვილი გიამბობთ.
ამერიკაში 20 წლის წინ ჩაკ ნორისმა მიმიწვია
"1990-იან წლებში რუსთავში მე და ჩემმა მეგობრებმა კიკ-ბოქსინგის კლუბი დავაარსეთ, ასევე აქტიურად ვიყავი დაკავებული კრივით, თუმცა საბჭოთა კავშირის პერიოდში კრივი აკრძალული იყო და მე მხოლოდ სამოყვარულო დონეზე ვარჯიშის საშუალება მქონდა. ცოტა მოგვიანებით, როდესაც საბჭოთა კავშირი დაიშალა უფრო აქტიურად დავკავდი სპორტის ამ სახეობით და მის განვითარებაზეც ვიზრუნე. 1997 წელს მსოფლიო ჩემპიონატს, ცნობილი ამრიკელი მსახიობი და მებრძოლი ჩაკ ნორისი ატარებდა, სხვათაშორის დღემდე ინარჩუნებს ამ ტრადიციას და თავად მასპინძლობს მსოფლიო ჩემპიონატებს. სამწუხაროდ, მაშინ ბილეთის ფულის არქონის გამო ვერ ჩავედი ჩემპიონატზე, მაგრამ სამი თვის შემდეგ შევძელი ამერიკაში ჩასვლა. მთელი ცხოვრება ოცნებად მქონდა ამერიკაში რინგზე გამოსვლა და ავისრულე... ჩაკ ნორისს კალიფორნიაში შევხვდი, ის დაესწო ჩემს ბრძოლებს. მისი კლუბის წევრს ვხვდებოდი და სურვილი გამოთქვა, რომ ჩემი ბრძოლის ეპიზოდებს შორის თავისი სარეკლამო რგოლი გაეშვათ, 15 მონაწილედან აირჩია მხოლოდ ჩემი ბრძოლა მისი რეკლამისთვის, რომელიც მაშინდელ სპორტულ არხებზე ხშირად ტრიალებდა.
ერთ-ერთ ინტერვიუში მკითხეს, ვისთან ისურვებდი შეხვედრასო, მაიკ ტაისონთან-მეთქი ვუპასუხე. გავიდა რამდენიმე წელი და ჩემს დაბადების დღეზე ატლანტიკ სითიში კაზინოში მპატიჟებენ, თან მითხრეს, სიურპრიზი გვაქვს შენთვისო, შევდივარ და ვხედავ მაიკ ტაისონს. ტაისონი დაპატიჟეს ჩემს დაბადების დღეზე! ძალიან გამიხარდა, მომილოცა დაბადების დღე, სპეციალურ ხელთათმანზე დამიწერა დაბადების დღის მისალოცი წარწერა - ის იყო პირველი ვინც ჩემი მეუღლის ორსულობის შესახებ შეიტყო. მაიკი შემდეგ კარგად გავიცანი, მან იცოდა, რომ მე საქართველოდან ვარ".
ქართველი დედის გამამხნევებელი შეძახილები შვილს - ამერიკულ რინგზე
რენეს მსოფლიო თასი კარატეში
"რენე რამდენიმე დღის დაბადებული იყო ბოქსის ილეთები, რომ გავაკეთებინე. მე სპორტის გარეშე არ შემიძლია ცხოვრება და ბავშვსაც დაბადებისთანავე დავაწყებინე ვარჯიში, თან ჩვენს მეცადინეობებს ვიდეოზე ვიწერდი და შემდეგ ვაჩვენებდი. იმდენად მოეწონა, რომ შეუყვარდა ეს სპორტი. ამჟამად სპორტის ხუთ სახეობაში ვარჯიშობს - ბოქსი, კიკბოქსინგი, კარატე, ცურვა და ფეხბურთი. განაგრძეთ კითხვა და იხილეთ ფოტოები