მშობლების მხრიდან დიდ გამოხმაურება მოჰყვა კანონპრროექტს, რომელიც ითვალისწინებს მრავალშვილიანი მშობლის სტატუსის მინიჭების და სოციალური დახმარების გაცემის წესს
მშობლების მხრიდან დიდ გამოხმაურება მოჰყვა კანონპროექტს, რომელიც ითვალისწინებს მრავალშვილიანი მშობლის სტატუსის მინიჭების და სოციალური დახმარების გაცემის წესს. კერძოდ, მშობლების დიდმა ნაწილმა კომიკურად მიიღო ინფორმაცია იმის შესახებ, რომ მრავალშვილიანი ოჯახი, რომელსაც ოთხი ბავშვი ჰყავს, ყოველთვიურად 20 ლარს მიიღებს, ხოლო ხუთი ან მეტშვილიანი ოჯახი მე-5 და მომდევნო ბავშვზე – დამატებით 10-10 ლარს. კანონპროექტის მიზანია სახელმწიფოს მხრიდან მოხდეს მრავალშვილიანი მშობლის სტატუსის განსაზღვრა და მრავალშვილიანი ოჯახების მხარდაჭერა. სახელმწიფო ბიუჯეტით დაფინანსებული იქნება მრავალშვილიანი ოჯახის ელექტროენერგიის სუბსიდიაც.
ჯამური ფინანსური შედეგი სარგებლის სახით იქნება წლიურად დაახლოებით 3 489 000 ლარი.
გავრცელებული ინფორმაციის შემდეგ გაჩნდა კითხვები, 4 ბავშვის გაჩენისთვის ჯამში მიიღებდნენ მშობლები 80 ლარს და მეხუთე ბავშვზე 150 ლარს, თუ მხოლოდ 20 ლარით, ან 30 ლარით დაეხმარებოდა მრავალშვილიან ოჯახებს სახელმწიფო.
როგორც mshoblebi.ge-ს საქართველოს შრომის ჯანმრთელობის და სოციალური სამინისტროში განუცხადეს, 4 შვილიან ოჯახს თითო ბავშვზე არ ერიცხება 20 ლარი, ოჯახს მეოთხე ბავშვზე დაერიცხება 20 ლარი. მეხუთე ბავშვის გაჩენისას კი მიიღებს 30 ლარს.
"კანონპროექტით მრავალშვილიანი მშობლის სტატუსის მინიჭების და სოციალური დახმარების გაცემის წესს საქართველოს მთავრობა განსაზღვრავს 2018 წლის 1-ელ ივნისამდე. კანონმდებლობაში შესაბამისი ცვლილებები პარლამენტის ჯანდაცვის კომიტეტის თავმჯდომარემ, აკაკი ზოიძემ და მისმა პირველმა მოადგილემ, დიმიტრი ხუნდაძემ მოამზადეს.
"ახალი კანონმდებლობით კი, მრავალშვილიანის სტატუსი 4 და მეტშვილიან ოჯახებს ექნებათ", – განაცხადა ხუნდაძემ.
რუსკა კილასონია