ორი ტყუპი 2-წლიანი სხვაობით დაიბადა - დაუჯერებელი ამბავი - მშობლები

ეს ბიჭები ნამდვილად ტყუპები არიან. თუმცა ამისი არავის სჯერა... ეს ბიჭები ნამდვილად ტყუპები არიან. თუმცა ამისი არავის სჯერა...

ახალგაზრდა წყვილს შვილი არ უჩნდებოდა. ოთხი წლის განმავლობაში 3 თვითნებური აბორტის და 6-ჯერ ორსულობის სტიმულაციის მცდელობის შემდეგ, წყვილმა სხვა გზის ძებნა დაიწყო. 7 ციკლის შემდეგ, ხელოვნური განაყოფიერების შედეგად, დადგა ნანატრი ორსულობა და დარჩა კიდევ ერთი სიცოცხლისუნარიანი ემბრიონი. წყვილმა მისი კრიოკონსერვაცია (სწრაფი გაყინვა) გადაწყვიტა.

ერთი წლის შემდეგ რეიჩელ და რიჩარდ ბესტებმა გადაწყვიტეს, მეორედ გამხდარიყვნენ მშობლები. გაყინული ემბრიონის გამოყენების შედეგად, მათ კიდევ ერთი ბიჭი გაუჩნდათ - აიზეკი.

ექიმების გამოთვლებით ტყუპისცალი უნდა დაბადებულიყო ზუსტად თავისი ძმის დაბადების დღეზე. მაგრამ ასე არ მოხდა - ბიჭი 5 დღით ადრე დაიბადა. მშობლები მაინც თვლიან, რომ ეს საოცარი დამთხვევა იყო.

"როდესაც შვილების ფოტოებს ვუყურებ (ერთსა და იმავე ასაკში როდესაც იყვნენ), ვხედავ, როგორ გვანან ერთმანეთს - ამბობს რეიჩელი. ჩვენ ნამდვილად ვთვლით, რომ ისინი ტყუპები არიან. მათ ასე ვეძახით: "დიდი და პატარა ტყუპისცალი".

ახალგაზრდა მშობლები ვერ იჯერებენ, რომ ისეთი ბედნიერები არიან. რეიჩელის სიტყვებით, 3 წარუმატებელი ხელოვნური განაყოფიერების მცდელობის შემდეგ წყვილების უმრავლესობა თავს ანებებს ამაზე ფიქრსაც კი. რეიჩელი ბედნიერია, რადგან მას ეყო ძალა და ნებისყოფა, ხელი არ ჩაექნია.

"ოლივერის დაბადება ნამდვილი სასწაული იყო, მაგრამ ჩვენ მეორეჯერაც უნდა გვეცადა. ვგრძნობდი, თითქოს ვღალატობდი ჯერ არდაბადებულ ბავშვს".

პატარები კარგად უგებენ ერთმანეთს. ოლივერს უყვარს უმცროს ძმასთან თამაში. "როდესაც აიზეკი ტირის, ოლივერი მიდის მის საწოლთან და ეფერება მას. მათ შორის საოცარი კავშირია".