ბავშვის აღზრდის 4 რჩევა მშობლებისგან, რომელთა შვილებმაც სამყარო შეცვალეს - მშობლები
ბავშვის აღზრდის 4 რჩევა მშობლებისგან, რომელთა შვილებმაც სამყარო შეცვალეს
ბევრი ცნობილი ადამიანის ისტორიის შესწავლისას, ხშირად ვამჩნევთ, რომ ამ ყველაფერში დიდი როლი მშობლებმა შეასრულეს. ბევრი ცნობილი ადამიანის ისტორიის შესწავლისას, ხშირად ვამჩნევთ, რომ ამ ყველაფერში დიდი როლი მშობლებმა შეასრულეს.
ბილ გეითსი
მშობლები: უილიამი და მერი
ცოდნის წყურვილი და პასუხისმგებლობა!
ბილის მშობლები შვილს დიდ ყურადღებას უთმობდნენ. მათთვის მთავარი იყო მისთვის კარგი განათლება მიეცათ. საშუალო სკოლაში ისინი მხარს უჭერდნენ ვაჟიშვილის კომპიუტერებისადმი ინტერესს, მაგრამ მისი გატაცება პირადი ჯიბიდან უნდა დაეფარა. უილიამი და მერი შვილში ამ სურვილს ნერგავდნენ. ოჯახში ნებისმიერი თემის განხილვა უყვარდათ - წიგნებიდან დაწყებული პოლიტიკით დასრულებული. მერი დიდ ყურადღებას აქცევდა ქველმოქმედებას, ახლა კი ვაჟიშვილი მის მაგალითს მისდევს.
"მას ისიც კი აინტერესებდა, როგორ ვიქცეოდით ხალხში და როგორ ურთიერთობას ვამყარებდით სხვა ადამიანებთან"
სტივ ჯობსი
მშობლები: პოლი და კლარა
საქმით გატაცება!
სტივ ჯობსი ნაშვილები იყო და მამობილი და დედობილი ზრდიდნენ. მამას ხშირად მიჰყავდა ავტოფარეხში, სადაც მანქანებს ათვალიერებინებდა და სხვადასხვა მექანიზმებს აცნობდა. სწორედ იქ ისწავლა სტივმა ელექტრონიკის ძირითადი საფუძვლები, რამაც მისი მთავარი ინტერესი განაპირობა.
როცა სტივი 6 წლის იყო, მან მეზობელ გოგონას მოუყვა, რომ ნაშვილები იყო, საპასუხოდ კი მოისმინა: "შენს ნამდვილ მშობლებს არ უყვარდი?" ამან ძალიან იმოქმედა პატარა ბიჭუნაზე, თუმცა კლარამ თვალებში ჩახედა და უთხრა: "შენ განსაკუთრებული ბიჭი ხარ და ჩვენ შენი ოჯახი ვართ!"
"იმ ფაქტის გამო, რომ ნაშვილები ვარ, თავს უფრო დამოუკიდებლად ვგრძნობდი და მიტოვების შეგრძნება არასდროს მქონია. თავს ყოველთვის განსაკუთრებულად ვგრძნობდი, რადგანაც ჩემი მშობლები მაგრძნობინებდნენ ასე."- იხსენებდა სტივი.