როგორ გამოიყურება ახლა და როგორი დედაა ერთ დროს ყველაზე ლამაზი ლივ ტაილერი - მშობლები

ლივ ტაილერი 1990-იან წლებში ერთ-ერთი ყველაზე მოკაშკაშე ვარსკვლავი იყო და პლანეტის ულამაზეს ქალთა შორისაც არაერთხელ დაასახელეს. მოდელ ბიბი ბიუელისა და ცნობილი მუსიკოსის სტივენ ტაილერის ქალიშვილი არა მხოლოდ ცნობილი მოდელი გახდა, არამედ ცნობილი მსახიობიც.

გოგონა 1977 წელს დაიბადა, ოღონდ თავდაპირველად ლივ რანდგრენი ერქვა - დედამისის მეორე ქმრის, მუსიკოს ტოდ რანდგრენის გვარი. ლივს წარმოდგენაც არ ჰქონდა, რომ მისი ნამდვილი მამა სტივენ ტაილერი იყო.

ლივი დედასთან ერთად

სიმართლე მას მერე გაიგო, რაც ერთხელ ყურადღება მიაქცია, რომ ძალიან ჰგავდა სტივენის ქალიშვილ მია ტაილერს. ლივმა მამის გვარი დაიბრუნა და შოუბიზნესშიც აქტიურად ჩაერთო. ჯერ მოდელობდა, მერე კი მსახიობობას მიჰყო ხელი. პირველი აღიარება კი მამის კლიპში ალისია სილვერსტოუნთან ერთად შესრულებულმა როლმა მოუტანა.

მშობლებთან ერთად

მოგვიანებით იყო ცნობილი ფილმები "წარმავალი მშვენიერება", "ბეჭდების მბრძანებელი", "ევგენი ონეგინი", "არმაგედონი"...

2001 წელს გათხოვდა პირველად - მუსიკოს როისტონ ლენდგონზე, რომელთანაც ეყოლა უფროსი ვაჟი მაილო - ის ახლა 14 წლისაა.

პირველ და მეორე ქმრებთან ერთად

2014 წელს ცოლად გაჰყვა ბრიტანელ სპორტულ აგენტ დეივ გარდნერს, რომელთანაც ორი შვილი გაუჩნდა - ლულა როუზი და სეილორ ჯინი. წყვილი ლონდონში ცხოვრობს და იქვე ზრდიან შვილებს.

უფროს ვაჟთან ერთად

ლივი ძირითად დროს ოჯახს და შვილების აღზრდას უთმობს, ნაკლებად ჩნდება ოფიციალურ ღონისძიებებზე და პრაქტიკულად, აღარც კინოში თამაშობს.

მეუღლესა და უმცროს შვილებთან ერთად