ეს სია შეადგინა მრავალშვილიანმა დედამ, პედაგოგმა - ვერა ბაშმაკოვამ. ის დარწმუნებულია, რომ ამ მულტფილმებმა დიდი გავლენა მოახდინა მისი ბავშვების აღზრდაში.

კაროლინა

ცოტა საშიში სანახავია. ჯერ უყურეთ თავად და გადაწყვიტეთ, აჩვენებთ თუ არა ბავშვებს. მულტფილმი მიტოვებულ გოგონაზეა, რომელიც ცდილობს შეეგუოს თავის უცნაურ მშობლებს.

პარანორმანი

სასწაულად სასაცილო ფილმია, რომელიც გვიყვება ბავშვურ მარტოობასა და გაუგებრობაზე, უფროსების გულგრილობაზე. სევდიანი დასარული აქვს. ნახვის შემდეგ დაელაპარაკეთ და თანაუგრძნეთ ბავშვს.

მონსტრების ოჯახი

გასართობი ზღაპარია"ცივილურ" და "ველურ" სამყაროზე. ამბავი ისე კარგადაა გადმოცემული, რომ რომ ვერ მოწყდებით.

ტომი მური

მისი მულტფილმები შეუდარებელია. მური აერთიანებს თანამედროვე ცხოვრებასა და ძველებურ ყოფას. ფილმში ერთდროულად ჟღერს ჯადოქრული, ძველებური და თანამედროვე მუსიკა.

კელსის საიდუმლო

კელსის წიგნში გადმოცემული ისტორია მონასტერში მყოფ ბიჭუნას და მისი ველური მეგობრის ამბავს გვიყვება.

ზღვის სიმღერა

ირლანდიური მითოლოგიის ეკრანიზაციაა თანამედროვე ბავშვებისთვის. ფილმის ნახვის შემდეგ რამდენიმე დღის განმავლობაში შთაბეჭდილების ქვეშ იმყოფებით.

სტეფან ობვე, ვინსენტ პატარი და ბენჟამენ რენე და მათი მულტფილმები.

ერნესტი და სელესტინა

სასაცილო, სევდიანი და სუფთა მეგობრული გრძნობების ნაზავია წარმოდგენილი ფილმში.

ცხვარი შონი

ფილმში ცხვრის ურთიერთობა მეპატრონის ძაღლთან იმეორებს შვილებსა და მშობლებს შორის იერარქიებს.

უოლესი და გრომიტი

ფილმში შეიმჩნევა სნობიზმი და მსუბუქი ცინიზმი, მაგრამ სასაცილოა.

გაქცევა საქათმიდან

ფილმში მოთხრობილია ქათმის ფერმის მაცხოვრებელი ქათმების დრამატულ ცხოვრებაზე. ერთ-ერთ მეორეხარისხოვან ქათამს დაკლავენ და მისგან ნამცხვარს აცხობენ. ფილმის ნახვის შემდეგ შესაძლოა ბავშვმა უარი განაცხადოს ქათმის ხორცის ჭამაზე. ამიტომ დაფიქრდით, აყურებინებთ თუ არა მას ფილმს.

კუნგ-ფუ პანდა

ეს მულტფილმი მოსწავლესა და მასწავლებელზე, საკუთარ თავთან მუშაობაზეა.

პატარა პრინცი

ფილმში აღწერილია ინფანტილური მოხუცისა და ბავშვის მეგობრობის ამბავი.

მადაგასკარი

ნიუ-იორკის ზოოპარკის 4 ბინადარი მოულოდნელად გადაიყვანეს ბუნებრივ პირობებში, სადაც მათ უხდებათ შეგუება ახალ გარემოსთან.

პატარა ბოსი

ბიჭს უჩნდება პატარა ძმა. ძალიან სახალისო ისტორიაა. გამოადგებათ მშობლებს და მათ შვილებს, რომლებიც გეგმავენ მეორე ბავშვის გაჩენას.

მისტერ პიბოძის და შერმანის თავგადასავალი

ფილმი გენიალურ ძაღლზეა, რომელმაც ბავშვი აიყვანა აღსაზრდელად. ეს არის განსხვავებული მშობლების მეტაფორა

საზიზღარი მე

თითქოს ბანალური ისტორიაა, მაგრამ საკმაოდ სასაცილო და სახალისოა.

ცხოველების სიმღერა

ისტორია ცხოველების კონკურსში მონაწილეობაზეა, რომლებიც აღმოჩნდებიან დიდების მწვერვალზე.

როგორ მოვარჯულოთ დრაკონი

ფილმში აღწერილია ვიკინგების ბელადის შვილის და დრაკონების ამბავი.

ბრძოლა თოვლში

არდადეგებზე ბავშვებმა ააშენეს თოვლის სასახლე, სადაც ვითარდება მოქმედება.

ნაოჭები

საოცარი მულტფილმია, რომელშიც მოთხრობილია მოხუცებულთა თავშესაფრის ბინადართა ისტორიები. ფილმს შეიძლება ეწოდოს - 12+.

სათამაშოების ისტორია (1, 2, 3, 4)

საინტერესო, სასაცილო, ღრმა და შინაარსიანი ფილმია, რომელიც არწერს გაცოცხლებული სათამაშოების ისტორიას.

ნემოს ძიებაში

ისტორია ჯამბაზ თევზზეა, რომელიც ისე გადაჭარბებულად ზრუნავს თავის შვილზე, რომ არ აცდის ცხოვრებას. ბიჭი ხვდება გაუგებრობაში, მამა ცდილობს მის გადარჩენას და ხვდება თავის შეცდომებს. ორივე იცვლება უკეთესობისკენ.

სუპერ ოჯახი

ერთი შეხედვით ჩვეულებრივი ოჯახური წყვილია, რომელთაც ჰყავთ ასევე ჩვეულებრივი შვილები. ცდილობენ იცხოვრონ მშვიდად თუმცა სიტუაცია ისე წარიმართება, რომ მოუწევთ თავიანთი სუპერ შესაძლებლობების გამოვლენა შვილების თვალწინ. საკმაოდ სახალისო სიუჟეტია.

მანქანები

ისტორია მანქანებზეა, სადაც აღწერილია, რომ ცხოვრებაში მთავარი არა დიდება, არამედ ადამიანური ურთიერთობებია.

მონსტრების უნივერსიტეტი

ფილმი მოგვითხრობს მოტივაციაზე, რომ მას დიდი ძალა აქვს.

თავსატეხი

ამ მულტფილმში ემოციები ეხმარება გოგონას თვითგადარჩენაში.

რაპუნცელი

ფილმში აღწერილია გრძელთმიან გოგონაზე, რომელიც გაიზარდა სამყაროსგან იზოლირებულად. შემდეგ მან აღმოაჩინა ფერადი და საინტერესო სამყარო და შეიყვარა ის.

გაყინული

ეს არის ლამაზი ისტორია დებზე და მათ ურთიერთობებზე.

გმირების ქალაქი

ფილმი რობოტექნიკაზეა, უფრო გათვლილია ბიჭების ინტერესებზე.

ზოოტოპია

მულტფილმი, სადაც ნაჩვენებია ტოლერანტულობა და საყოველთაო ერთიანობა.

ჩემი მეზობელი ტოტორო

ორი დის ამბავი, რომლებიც ქალაქგარეთ ცხოვრობენ, მათ ჰარმონიულ ურთიერთობაზე ბუნებასთან.

პორკო როსო

ფილმში აღწერილია პილოტის ისტორია, რომელიც გახდა ღორი და შეუყვარდა გოგონა.

პრინცესა მონონოკე

მულტფილმში აღწერილია ადამიანისა და ბუნების ურთიერქმედება. ბუნებას ვერ მოერევი - ასეთია ფილმის სლოგანი.

მოჩვენებების მიერ მოტაცებული

გოგონა გადაარჩენს თავის მშობლებს, რომელთაც განსხვავებული დამოკიდებულება აქვთ სამყაროს მიმართ.

მარნის მოგონებები

მომნუსხველი ოჯახური ისტორია.

კოკო

მულტფილმი, რომელიც ოჯახურ, ნათესაურ ურთიერთობებზე და წინაპრების პატივისცემაზეა.

მფრინავი სახლი

მულტფილმი ადამიანურ ურთიერთობებზე.

შეგიძლიათ, კომენტარებში თქვენც დაამატოთ სიას საკუთარი ვერსიები, თანამედროვე მულტფილმებიდან, რომლებიც მოგეწონათ.