"მოულოდნელად ტანზე გაუჩნდა სილურჯეები... სხვა არანაირი სიმპტომი არ ჰქონია" - 3 წლის კარლი ჯაფარიძეს საზოგადოების მხარდაჭერა სჭირდება - მშობლები

ეს 3 წლის კარლი ჯაფარიძეა, რომელიც ჩვეულებრივი პატარა ბავშვის ცხოვრებით ცხოვრობდა მშობლებთან და ძმებთან ერთად, თუმცა მოულოდნელად სულ ცოტა ხნის წინ მშობლებმა ცვლილებები შენიშნეს და საკმაოდ მძიმედ მოსასმენმა დიაგნოზმაც არ დააყოვნა - მას მწვავე ლიმფობლასტური ლეიკემია დაუდგინდა. კარლის მამიდა გვანცა ჯაფარიძე გვიამბობს კარლის შესახებ:

- 2 წლის და 8 თვის არის კაკო. მოულოდნელად, რამდენიმე დღის წინ ტანზე გაუჩნდა ჩაქცევები, სილურჯეები, რამდენიმე ადგილას და ტემპერატურა ჰქონდა, სხვა სიმპტომი არაფერი ჰქონია. ჭამითაც კარგად ჭამდა და სუსტადაც არ ყოფილა. სამი კვირის წინ იყვნენ თბილისში, მაშინაც ჰქონდა ერთ ადგილას სილურჯე, მაგრამ ჩათვალეს, რომ მირტყმისგან ჰქონდა. მერე გაუმრავლდა, 4-5 ადგილას. 17 დეკემბერს მივიდნენ კლინიკაში. კლინიკაში მისვლამდე, 2-3 დღე ჰქონდა სიცხეები... კლინიკაში დაუსვეს დიაგნოზი და ახლახან თურქეთის კლინიკაში ჩატარებულმა კვლევებმაც (სისხლის, ძვლის ტვინის ბიოფსია და ა.შ.) დაადასტურა B სახის მწვავე ლიმფობლასტური ლეიკემია...

- ძალიან რთული მოსასმენი იქნებოდა ოჯახისთვის ეს ყველაფერი...

- ჩემს რძალს, კარლის დედას პატარა და ჰყავს გარდაცვლილი ლეიკემიით და სულ ეშინოდა...

- ახლა რა ეტაპზეა მკურნალობა?

- კაკო ახლა თურქეთშია და ქიმიოთერაპიისთვის მოსამზადებელ ნემსებს უკეთებენ. რაც შეეხება მკურნალობის კურსის სავარაუდო ხანგრძლივობას, გახლავთ 9 თვე. ქიმიოთერაპიის დაწყებიდან 33-ე დღეს კაკოს განმეორებით გაუკეთდება ძვლის ტვინის ბიოფსია იმის დასადგენად, თუ როგორ მიიღო ორგანიზმმა და აქვს თუ არა მკურნალობას შედეგი. ასევე, გაგვაფრთხილეს, რომ მზად უნდა ვიყოთ ქიმიოთერაპიის თანმხლები ბევრი გვერდითი მოვლენისთვის...

განმეორებითი ბიოფსიის შემდეგ მკურნალობის კურსის ხანგრძლივობაც მეტი სიზუსტით გვეცოდინება. რასაკვირველია, ეს ყველაფერი დიდ თანხებთან არის დაკავშირებული და ძალიან დიდი იმედი გვაქვს საზოგადოების მხარდაჭერის.

თანხის ჩარიცხვა შეგიძლიათ შემდეგ ანგარიშის ნომრებზე:

Paypal

Salitajaparidze1@gmail.com

Bank of Georgia, SWIFT: BAGAGE22; 29a Gagarin street, Tbilisi 0160, Georgia

JAPHARIDZE SALOME

GE97BG0000000101197709

საქართველოს ბანკი (კოდი BAGAGE22):

GE97BG0000000101197709

#GE97BG0000000101197709

თიბისი ბანკი:

GE85TB7017045061100055

#GE85TB7017045061100055

ლიბერთი ბანკი:

GE71LB0711191082294000

#GE71LB0711191082294000

მიმღები: სალომე ჯაფარიძე