31 მარტს, თბილისში, შარტავას ქუჩაზე ავარიის დროს დაშავებულ 8 წლის დათი ქოქაშვილს მთელი საქართველო გულშემატკივრობს. მას საკმაოდ მძიმე დაზიანებები აქვს და ოჯახმა ისრაელში გადაიყვანა. ორი დღის წინ მას კიდევ ერთი ოპერაცია ჩაუტარდა, თუმცა მდგომარეობა კვლავ მძიმეა. დათუნას დედა ქრისტინე მამუკაშვილი სოციალურ ქსელში წერს:
"თითქმის ყოველ შაბათ-კვირას დედა ენის ბაღში ვგორაობდით ხოლმე მე და ჩემი ბიჭი. თავისი ტკბილი ხმით მეტიკტიკებოდა, მუსიკებს ვუსმენდით და სკეიტბორდით ვკატაობდით. ნუ ვცდილობდით მაინც... მერე რამე გემრიელობას გამოვიძახებდით და იქვე ბალახზე მივირთმევდით… კიდევ მინდა მასე, დეე, გთხოვ…"