თუ ეს თვისებები გახასიათებთ, ესე იგი, ძლიერი ადამიანი ხართ - გააკეთეთ ტესტი - მშობლები

ადამიანები ერთმანეთისაგან მნიშვნელოვნად განსხვავდებიან. ვიღაც ემოციებს მძაფრად გამოხატავს, ზოგიერთი კი დამალვას ცდილობს. თუმცა, უამრავი პრობლემის პარალელურად, ემოციური გადაწვის შემთხვევებიც ხშირია. მაგრამ, ემოციასაც შეიძლება საკუთარი პიკი და დაღმასვლა ჰქონდეს. ის, რომ გრძნობებს გამოხატავთ, სულაც არ ნიშნავს სისუსტეს. პირიქით, ფსიქოლოგებმა განსაზღვრეს ძლიერი პიროვნებისათვის დამახასიათებელი კონკრეტული თვისებები, რომლებითაც საკუთარი თავის შეფასებას შეძლებთ:

1. არ გჭირდებათ დიდი დრო, რომ ადამიანებთან კონტაქტი დაამყაროთ

როდესაც შეხვდებით ადამიანს, რომელიც მოგისმენთ, დიდი დრო არ გჭირდებათ, რომ სრულად გაიხსნათ და მასთან კონტაქტი დაამყაროთ. ზოგიერთმა ეს შესაძლოა, გადაჭარბებულ აქტიურობად ჩაგითვალოთ, მაგრამ თანამოაზრეებს ასე პოულობთ.

2. გულღია ადამიანი ხართ

არ ცდილობთ იმის დამალვას, რასაც გრძნობთ. თუ ვინმე გკითხავთ, როგორ ხართ, დაუფარავად იტყვით სიმართლეს და ელით, რომ საყვარელი ადამიანები თქვენზე იზრუნებენ და მოგისმენენ.

3. გულწრფელი ხართ და არ გეშინიათ, იყოთ ის, ვინც სინამდვილეში ხართ

საკმაოდ გულწრფელი ადამიანი ხართ, ხალხის დასანახად არ თამაშობთ და არ გეშინიათ თქვენი უარყოფითი თვისებების გამოვლენის. გირჩევნიათ, სხვები გხედავდნენ ისეთს, როგორიც სინამდვილეში ხართ.

4. შინაარსიანი საუბარი მოგწონთ

ბანალურ ან უაზრო საუბრებში აზრს ვერ ხედავთ, თუნდაც ეს ხუმრობით ხდებოდეს. ფიქრობთ, რომ თქვენი ყოველი საუბარი შინაარსიანი უნდა იყოს და რაღაც ახალს უნდა აღმოაჩენდეთ. წინააღმდეგ შემთხვევაში, დროის დაკარგვა გეზარებათ.

5. არ გაინტერესებთ, რას ფიქრობენ თქვენზე სხვები

უკვე გაცნობიერებული გაქვთ, რომ საკუთარი თავი უნდა მიიღოთ ისეთი, როგორიც ხართ და არ გაინტერესებთ, რას იტყვიან სხვები. აღარ გადარდებთ, თუ ვინმეს "კრიტერიუმებს" ვერ აკმაყოფილებთ და საკუთარი ცხოვრებით ცხოვრობთ.

6. გაქვთ საკუთარი აზრის მტკიცედ გამოხატვის უნარი

საკუთარ აზრს ღიად და დაუფარავად აფიქსირებთ და შესაძლოა, ეს ზოგჯერ საკმაოდ რადიკალური ტონითაც გააკეთოთ.

7. შეგიძლიათ თვალით კონტაქტი

იმას, რაზეც ვერბალურად საუბრობთ, მზერითაც გამოხატავთ. მოსაუბრესთან ამყარებთ თვალით კონტაქტს და თქვენს ემოციებს ამ ფორმითაც გადასცემთ.

8. გჯერათ რომანტიკის

სიყვარულისა და რომანტიკის გჯერათ და თავს ამ მდგომარეობაში კომფორტულად გრძნობთ.

9. ბევრ შეკითხვას სვამთ

ძალიან ბევრ შეკითხვას სვამთ და გაქვთ დაუძლეველი სურვილი, რომ ყველაფერი გაიგოთ და გააკონტროლოთ. რაც მთავარია, არ გერიდებათ შეკითხვის დასმის მაშინ, როცა საკითხი მართლა გაინტერესებთ.

10. ელით, რომ სხვებიც გიპასუხებენ ზრუნვასა და სიყვარულზე

გაქვთ განცდა, რომ სხვა ადამიანებიც იმითვე გიპასუხებენ, რასაც თქვენ გასცემთ. ეს ცხოვრების ნებისმიერ სფეროს ეხება. მათ შორის, სიყვარულს, მეგობრობას, ბიზნესსა თუ საქმიან ურთიერთობებს.

11. ყალბი ადამიანების გამოვლენის საოცარი უნარი გაქვთ

მანიპულაციას, სიყალბესა და ორპირობას მაშინვე იგრძნობთ და ადამიანთან, რომელსაც მსგავს ქმედებებს შეამჩნევთ, საბოლოოდ შეწყვეტთ ურთიერთობას. მეტიც, აფერისტობაში მაშინვე ამხელთ.

12. კამათს გამარჯვებით ასრულებთ

საკმაოდ თავდაჯერებული ადამიანი ხართ და თქვენი პოზიცია გაცნობიერებული გაქვთ. ამიტომაც, როდესაც კამათში ერთვებით, თქვენი დამოკიდებულება ბოლომდე გაგაქვთ და სხვების გამო კომპრომისზე არ მიდიხართ.

13. ახალ ადამიანებს სიფრთხილით უშვებთ თქვენს ცხოვრებაში

ისწავლეთ, რომ ტოქსიკურ ადამიანებთან ურთიერთობას, ჯობს, სულ მარტო იყოთ. ამიტომაც, ურთიერთობებს განსაკუთრებით ფრთხილად არჩევთ და მარტივად არავის ენდობით.

14. არ მოგწონთ ადამიანები, რომლებიც ვარაუდებით საუბრობენ და ასე რაღაცის დამტკიცებას ცდილობენ

საშინლად ღიზიანდებით, როდესაც ვინმე საკუთარი უცოდინრობით კმაყოფილია, ფაქტების გარეშე რაღაცას ამტკიცებს და სხვებსაც დაჯერებისკენ მოუწოდებს.

15. გიყვართ სწავლა და თქვენი ჰორიზონტების გაფართოება

საკუთარი ჰორიზონტის გაფართოება, შემეცნება და სიახლეების გაგება განსაკუთრებით მოგწონთ და ახალი აღმოჩენებისთვის სულ მზად ხართ.

16. არ გჭირდებათ სხვების აღტაცება, რომ თავი წარმატებულად და კარგად იგრძნოთ

ძალიან დიდი ნებისყოფა გაქვთ და შეგიძლიათ საკუთარი თავი ისე გაართოთ და ასიამოვნოთ, რომ ამისთვის სხვების ყურადღება სულაც არ დაგჭირდეთ. არ აქვს მნიშვნელობა, რას იფიქრებენ სხვები, თქვენთვის მთავარია, საკუთარი პროექტითა და თუ საქმით თავად იყოთ კმაყოფილი.

17. ადვილად გიყვარდებათ გამოგონილი პერსონაჟები

გამოგონილი, არარეალური პერსონაჟები ადვილად გიყვარდებათ. რომანის ან ფილმის გმირის დაღუპვისას ისე შეიძლება იტიროთ და განიცადოთ, როგორც რეალური ამბავი და საშინლად ღიზიანდებით, როდესაც გეუბნებიან, რომ ამაზე არ უნდა ტიროდეთ, რადგანაც ის ავტორის მოგონილია.

18. შემოქმედებითი და საკმაოდ დაკვირვებული მოაზროვნე ხართ

საკმაოდ განვითარებული ინტუიცია გაქვთ და უფრო სწრაფად შეგიძლიათ რაღაცების დანახვა და აღმოჩენა, ვიდრე სხვებს. უნიკალური სიცხადით პასუხობთ გარემოს გამოწვევებს და პრობლემებს არ უშინდებით.

19. სიმართლეს ეძებთ და თვალთმაქცობა არ შეგიძლიათ

გსურთ, ყველა სიტუაციაში სიმართლე იპოვოთ და გულწრფელი იყოთ. გირჩევნიათ, მტკივნეულ რეალობას გაუძლოთ, ვიდრე გამოგონილ სამყაროში, თვალთმაქცობით იცხოვროთ.

20. სილამაზის აღქმის განსაკუთრებული უნარი გაქვთ

სილამაზე ხელოვნების დონეზე აგყავთ. საკმაოდ ესთეტიკური ადამიანი ხართ და სხვებშიც ამ თვისებას აფასებთ.

თუ ეს თვისებები გახასიათებთ, მაშინ ნამდვილად ძლიერი პიროვნება ხართ. თუმცა, როგორც წესი, ძლიერი ადამიანები ამ ცხოვრებაში რთულ გზას გადიან სწორედ იმის გამო, რომ სულ სიმართლეს ამბობენ, ვერ იტანენ თვალთმაქცობასა და ორპირობას და ადამიანთა გარკვეულ წრეს ამით აღიზიანებენ კიდეც.