რატომ სცემს და კბენს ბავშვი დედას და როგორ გადავაჩვიოთ აგრესიულ ქცევას - მშობლები

მშობლებს ხშირად დაუჩივლიათ, რომ მათი შვილი აგრესიას ამჟღავნებს. იკბინება ან სცემს ვინმეს, ყველაზე ხშირად კი დედას. როცა ბავშვი უკბენს ან ჩაარტყავს, ყველა დედა იბნევა. გული სტკივა და ვერ ხვდება, რაშია საქმე. მითუმეტეს არ იცის, როგორ მოიქცეს ამ სიტუაციაში, რა უნდა იყოს მისი საპასუხო ნაბიჯი - უნდა დასაჯოს თუ ყურადღება არ მიაქციოს მომხდარს?

ვეძებთ მიზეზს

ბავშვების აგრესია ყველაზე მშობლებს შოკში აგდებს. მართლაც, ძნელი გასაგებია, ბავშვი, რომელიც რამდენიმე წუთის წინ დედასთან ერთად თამაშობდა, იწყებს აგრესიულ ქცევას.

იმის გასაგებად, თუ რატომ ჩხუბობს ბავშვი, უბრალოდ შეხედეთ ამ დროს მის სახეს:

იღიმის. სავარაუდოდ, მან უბრალოდ არ იცის, როგორ გამოხატოს ემოციები. ეს მდგომარეობა დამახასიათებელია 1,5 წლამდე ასაკის ბავშვებისთვის, რომლებიც ამით გამოხატავენ სიყვარულს და თამაშის სურვილს, რითაც ანაზღაურებენ მშობლების ყურადღების ნაკლებობას.

თვალები შეჭმუხნული, წარბები შეჭმუხნული და პირის კუთხეები ჩამოხრილი. ბავშვი აშკარად გაბრაზებულია. დიდი ალბათობით, ასეთი საქციელით ის ცდილობს გააპროტესტოს დედის ქმედებები, რომლებიც მის სურვილს არ ემთხვევა. აგრესიის ეს ვარიანტი დამახასიათებელია 2-3 წლის ბავშვებისთვის, რომლებმაც ჯერ კიდევ არ იციან, როგორ გააკონტროლონ იმპულსები და გაუმკლავდნენ იმედგაცრუებას. შემთხვევათა 90%-ში ბავშვობის აგრესია ბავშვის განვითარების დროებითი ეტაპია, რომელიც მთავრდება მაშინ, როცა ის უკეთ აკონტროლებს თავის თავს და ისწავლის ემოციების უფრო მრავალფეროვანი ხერხებით გამოხატვას.

შეინარჩუნეთ სიმშვიდე

თუ ბავშვი აგრესიას გამოხატავს თქვენს მიმართ, მნიშვნელოვანია ყოველთვის გახსოვდეთ სამი რამ:

1. თქვენც და ბავშვსაც სრული უფლება აგაქვთ ემოციების გამოხატვის, სამაგიეროდ, მისგან განსხვავებით, თქვენ თქვენი ქმედებების კონტროლი შეგიძლიათ.
2. ბავშვის აგრესია პირადად თქვენსკენ არ არის მიმართული. თავისი ქმედებებით ის აპროტესტებს არა მის მშობლებს, არამედ სიტუაციას, რომელიც მას არ მოსწონს.
3. გაბრაზება და აგრესიული ქცევა წამიერი იმპულსია. ის ფაქტი, რომ ბავშვმა დაგაკბინათ ან დაგარტყათ, არ ნიშნავს, რომ მას არ უყვარხართ.

ვრეაგირებთ სწორად

ბავშვის აგრესიასთან გამკლავებისთვის, უნდა ასწავლოთ მას იმპულსების კონტროლი და უარყოფითი ემოციების უსაფრთხოდ გამოხატვა. ამის სწავლა ხანმოკლე პროცესი არის, შეიძლება რამდენიმე თვე დასჭირდეს. მნიშვნელოვანია, რომ ყოველი ეპიზოდის დროს, როდესაც ბავშვი აგრსიას გამოავლენს, დაიცვათ გარკვეული ალგორითმი:

დააწესეთ თქვენი პირადი საზღვრები. თქვენ არ გჭირდებათ ატანა და ძლიერად ღიმილი, თუ ბავშვი დარტყმას ან კბენს. როგორც კი ეს მოხდება, გააჩერეთ ბავშვი, უკან დაიხიეთ, ახმოვანეთ, რომ გტკივა და უსიამოვნოა თქვენთვის. თუ ეს შესაძლებელია, უმჯობესია ბავშვის ხელის დაჭერა და ზემოქმედების თავიდან აცილება.

ყურადღება გაამახვილეთ არა ბავშვზე, არამედ მასზე, ვისაც დაარტყა. შეცდომა იქნება ასეთ სიტუაციაში მოძალადე ბავშვზე ფოკუსირდებით. მთავარი ყურადღება დაუთმეთ მას, ვისაც დაარტყა. ამით ბავშვი გააცნობიერებს, რომ ამ გზით ვერ მოხვდება უფროსების ყურადღების ცენტრში. თუ დაზარალებული თავად მშობელია, მაშინ მეუღლეს ან ოჯახის სხვა წევრს სთხოვეთ, ბავშვის დასანახად თქვენ მიმართ ყურადღება გამოხატოს, გკითხოთ, "ძალიან გეტკინა", "სად გტკივა?". თქვენც აჩვენეთ, რომ გტკივათ.

ისაუბრეთ ემოციებზე. დაეხმარეთ თქვენს შვილს, გააცნობიეროს, რა ემოციებს განიცდის ამ მომენტში და რატომ. ხმამაღლა განაცხადეთ, რომ გესმით, რომ ის გაბრაზებულია. თქვით, რომ მის ადგილას ზუსტად მისნაირად .გაბრაზდებოდით.

შესთავაზეთ ალტერნატივა. თამაშით შექმენით მსგავსი სიტუაცია და შესთავაზეთ შვილს ბრაზის გამოხატვის სხვა გზები.

ორთქლის გამოშვება

გაბრაზება ძალიან ძლიერი და დამანგრეველი ემოციაა, რომელსაც ყველა ზრდასრული ვერ უმკლავდება, რომ აღარაფერი ვთქვათ ბავშვებზე. თუმცა ძალიან მნიშვნელოვანია ბავშვს ვასწავლოთ ბრაზის არა დათრგუნვა, არამედ უსაფრთხოდ გამოხატვა. ამისათვის შეგიძლიათ სცადოთ შემდეგი მარტივი, მაგრამ ეფექტური გზები აგრესიასთან გამკლავებისთვის:

ფიზიკური დატვირთვა. ფიზიკური აქტივობა ჰორმონალურ დონეზე უწყობს ხელს უარყოფითი ემოციებისგან თავის დაღწევას. ასე რომ, ნება მიეცით თქვენს შვილს ირბინოს, იხტუნოს, იგორაოს და სიმაღლეზე აძვრეს. შეგიძლიათ ამისთვის პარკში, ბატუტის ცენტრში ან სპორტულ მოედანზე წაიყვანოთ.

როლური თამაშები. გაცვალეთ როლები, ვითომ თქვენ ხართ ბავშვი, ის კი დედა. გაითამაშეთ ის სიტუაცია, რომლის დროსაც დაგარტყათ. აჩვენეთ პირადი მაგალითით, როგორ შეგიძლია გამოხატო შენი რისხვა და უკმაყოფილება სხვებისთვის ზიანის მიყენების გარეშე.

ჰალკ თერაპია. ნება მიეცით თქვენს შვილს, გამოავლინოს აგრესია ისეთ რამეზე, რაც არ დააზარალებს. შეგიძიათ მისცეთ ბალიში, პატარა ტომარა, დახიოს ქაღალდები, დაანგრიოს კუბებით აშენებული კოშკები. მოკლედ, თავი ჰალკად წარმოიდგინოს.

არტ თერაპია. თუ თქვენს შვილს უყვარს ხატვა, შეგიძლიათ გამოიყენოთ არტთერაპიის ჯადოსნური ძალა და მისი რისხვა დაამარცხოთ. აიღოს ყველაზე "ბოროტი" ფერები და შექმნას ნახატი. კარგია, თუ ნახატიდან გააკეთებთ ქაღალდის თვითმფრინავს და გაუშვებთ, ვითომ თვითმფრინავს გაატანა თავისი სიბრაზე.

10-დან 9 შემთხვევაში ბავშვთა აგრესია არის არა პათოლოგია, არამედ უარყოფითი ემოციების გამოხატვის ბანალური უუნარობა. მაგრამ თუ მაინც ეჭვობთ, რომ რაღაც რიგზე არ არის, ყოველთვის შეგიძლიათ დაუკავშირდეთ ბავშვთა ფსიქოლოგს. სხვათა შორის, ბავშვის აგრესიული ქცევისას დავფიქრდეთ, თავად მშობლებიც ასე ხომ არ გამოხატავენ ბრაზს?

ნუ მოუსმენთ ცუდ რჩევებს

ბუნებრივია, რთულია მშვიდად რეაგირება, როცა ბავშვები აგრესიას იჩენენ. თუმცა, არ უნდა გამოიყენოთ არასწორი რჩევები, რომლებიც არამარტო სიტუაციის გამოსწორებაში არ დაგვეხმარება, არამედ ზიანს მოგაყენებთ თქვენ და თქვენს შვილს. მაგალითად ასეთი ტოქსიკური რჩრვებია:

სამაგიეროს გადახდა. ამით თქვენ უბრალოდ ბოღმას ამოანთხევთ, ბავშვს კი სერიოზულად შეაშინებთ და სიმშვიდეს დაუკარგავთ.

აიძულეთ, ბოდიში მოიხადოთ. აზრი არ აქვს, რადგან ამ მომენტში ბავშვი გაბრაზებულია თქვენზე და თქვენ აიძულებთ მას პატიება ითხოვოს. მაშინაც კი, თუ ის ამას გააკეთებს, მისი ბოდიში არაგულწრფელი, მაგრამ იძულებითი იქნება. სავარაუდოდ, ეს რჩევა არავის სარგებელს არ მოუტანს.

განაწყენება, იგნორირება. თუ გსურთ ასწავლოთ თქვენს შვილს ჩხუბის ნაცვლად ბრაზისა და წყენის სწორად გამოხატვა, კონფლიქტის მოგვარების ეს ტაქტიკა თავადაც არ უნდა გამოიყენოთ. შესაძლოა, რამდენჯერმე ამ მეთოდმა იმოქმედოს, მაგრამ ამის გამო ბავშვი დაიჯერებს, რომ ბრაზით მანიპულირება ნორმალურია.

ცრემლების სიმულაცია. ბავშვები საკმაოდ კარგად ასხვავებენ ნამდვილ ემოციებს სიმულირებულისგან. თუ ბავშვის დაკბენის შემდეგ დაიწყებთ ცრემლების და ტანჯვის გამოსახვას, მიხდება რომ ატყუებთ. სამაგიეროდ, ეს სანახაობა ისე მოეწონება, რომ შემდეგში სპეციალურად დაგარტყამთ იმისთვის, რომ ეს ვითომ ცრემლები და ვითომ ატირებული დედა ნახოს.