ფარმაცევტული პროდუქტის რეფერენტული ფასების ჩამონათვალი დამტკიცდა, რომლის თანახმადაც, ფარმაცევტულ კომპანიებს, განსაზღვრულ ფასზე ძვირად, წამლის გაყიდვა 15 თებერვლიდან აღარ შეეძლებათ - ამის შესახებ ინფორმაციას დევნილთა, შრომის, ჯანმრთელობისა და სოციალური დაცვის სამინისტრო აქვეყნებს. მათივე ინფორმაციით, ფარმაცევტულ სექტორს, ფასების გადახედვისთვის ვადა 31 იანვრამდე აქვს.
რეფერენტული ფასი, პირველ ეტაპზე, 1300-ზე მეტ ქრონიკულ და ონკოლოგიურ მედიკამენტზე დაწესდა. ეტაპობრივად კი სხვა მედიკამენტებზეც განისაზღვრება. სამინისტროს განმარტებით, ცვლილების შედეგად მედიკამენტები დაახლოებით 40%-ით გაიაფდება.
ფასების სახელმწიფო რეგულირებას დაქვემდებარებული მედიკამენტების ჩამონათვალი და მაქსიმალური ზღვრული ფასი აღნიშნულ გვერდზეა განთავსებული და აფთიაქები მოცემული მედიკამენტების უფრო ძვირად ვეღარ გაყიდიან.