სახელწიფოში სოციალურად დაუცველთა დასაქმების პროგრამა ერთი წლის წინ ამოქმედდა. ადამიანები, რომლებიც ამ პროგრამით სამსახურს დაიწყებენ და ხელფასი დაენიშნებათ, სოციალური დახმარებას 4 წლის განმავლობაში არ დაკარგავენ. ამ დროის განმავლობაში მათ შეუნარჩუნდებათ როგორც სოციალურად დაუცველის სტატუსი, ასევე მაზე მიბმული ფულადი თუ სხვა სახის დახმარება.
მათთვის, სურვილი გაქვთ, შეუერთდეს ამ პროგრამას, მაგრამ ჯერ კიდევ კითხვები აქვს, მათთვის დასაქმების ხელშეწყობის სახელმწიფო სააგენტო ყველაზე ხშირად დასმულ კითხვებს პასუხობს.
საზოგადოებრივი სამუშაო ისეთ ვაკანტურ ადგილზე დასაქმებას გულისხმობს, რომლის შესრულება ნებისმიერი კვალიფიკაციის მქონე პირს შეუძლია.პროგრამა სოციალურად დაუცველ პირებს სთავაზობს რამდენიმე ალტერნატივას:
პროგრამაში ჩართვით სოციალურად დაუცველი პირი იღებს საშეღავათო პირობებს - 4 წლის განმავლობაში და მისი სოციალური სტატუსი არ გადამოწმდება.
საზოგადოებრივ სამუშაოებში ჩართვა შეუძლია საქართველოში მცხოვრებ, 18 წლის და უფროსი ასაკის პირს საპენსიო ასაკამდე, რომელიც სახელმწიფოსგან იღებს მიზნობრივ სოციალურ დახმარებას და ოჯახის სარეიტინგო ქულა არ აღემატება 120 000-ს.მსურველები არ უნდა იყვნენ პარალელურად დასაქმებულები კერძო სექტორში ან თვითდასაქმებულები.
საზოგადოებრივი სამუშაოების შესახებ ვაკანსიების მოწოდება შეუძლია, სახელმწიფო ორგანოს, ადგილობრივ მუნიციპალიტეტს ან მის მმართველობის სფეროში მოქმედ არასამეწარმეო (არაკომერციულ) იურიდიულ პირს, ასევე, საჯარო სამართლის პირს ან სხვა ნებისმიერ ადმინისტრაციულ ორგანოს.
საზოგადოებრივი სამუშაოს მსურველ პირებს პროგრამაში ჩასართავად არ სჭირდებათ გამოცდილება, კომპეტენცია ან შესაბამისი განათლება. სამუშაოების მიზანია მოქალაქეებს შემოსავლების ზრდის პარალელურად, სამსახური მათ შრომითი უნარების გამომუშავებასა და გამოცდილების დაგროვებაში დაეხმაროს.
საზოგადოებრივი სამუშაოები გულისხმობს მაგალითად: ბიბლიოთეკარის დამხმარეს, მეტყევე, მეეზოვე, სკოლის დამლაგებელი, მზარეულის არაკვალიფიციური დამხმარე, ზედამხედველის დამხმარე, დარაჯი, კურიერი, ტერიტორიების კეთილმოწყობის გამწვანებისა და დასუფთავების თანამშრომელი და ა. შ.
საზოგადოებრივ სამუშაოებში ჩართვა შეუძლია ოჯახის ერთ ან მეტ წევრს. რაოდენობა შეზღუდული არ არის.
სოციალურად დაუცველ პირს საზოგადოებრივ სამუშაოებში ჩართვა შეუძლია იმ მუნიციპალიტეტში, სადაც რეგისტრირებულია და იღებს სოციალურ გასაცემელს.
საზოგადოებრივი სამუშაოებში ჩართვის მსურველ პირებს შეუძლიათ დასაქმდნენ სრული ან ნახევარი განაკვეთით.
მაგალითად: სრული განაკვეთის სამუშაო გრაფიკს შეიძლება მიეკუთვნებოდეს ისეთი სამუშაო, რომელიც მოიცავს:
ნახევარი განაკვეთის სამუშაო გრაფიკს შეიძლება მიეკუთვნებოდეს ისეთი სამუშაო, რომელიც მოიცავს:
საზოგადოებრივ სამუშაოებში ჩართვის დროს სოციალური გასაცემელი სრული განაკვეთით მუშაობის შემთხვევაში განსაზღვრულია 300 ლარის ოდენობით, ნახევარი განაკვეთით დასაქმების შემთხვევაში კი, 150 ლარის ოდენობით. იმ შემთხვევაში, თუ მაგალითად, მოქალაქე სრული განაკვეთით მუშაობისას განსაზღვრული 20 დღის ნაცვლად იმუშავებს ათ დღეს, მიიღებს ათი დღის სოციალურ გასაცემელს.
სოციალური გასაცემელი დაირიცხება იმ საბანკო ანგარიშზე, რომელზეც ირიცხება სოციალური შემწეობა.
დასაქმების პროგრამაში ჩართულ პირს, 4 წლის განმავლობაში, სოციალურად დაუცველის სტატუსი, მასთან მიბმული ფულადი და არაფულადი სიკეთეები გარანტირებულად შეუნარჩუნდება. აღნიშნული პერიოდის განმავლობაში არ მოხდება სოციალურ-ეკონომიკური სტატუსის გადამოწმება. სტატუსის ჯავშანი შეუნარჩუნდება იმ შემთხვევაშიც, თუ ის ღია შრომის ბაზარზე გადამისამართდება და უფრო მაღალ ანაზღაურებად სამსახურში დასაქმდება.
საზოგადოებრივ სამუშაოებში ჩართულ პირს პარალელურად ღია შრომის ბაზარზე დასაქმება არ შეუძლია. იმ შემთხვევაში, თუ პროგრამით მოსარგებლე პირი მოისურვებს უკეთესი ანაზღაურების მქონე ვაკანსიის მოძიებას გადამისამართდება კერძო სექტორში, ის საზოგადოებრივი სამუშაოების პროგრამას ჩაეხსნება, თუმცა 4 წლიანი ჯავშანი და სხვა შეღავათები შეუნარჩუნდება.
პირველ რიგში, საზოგადოებრივ სამუშაოებში ჩართვის მსურველი პირი აუცილებელია, რომ რეგისტრირებული იყოს პროგრამით მოსარგებლეთა ბაზაში. სამუშაოებში ჩასართავად ბენეფიციარმა უნდა მიმართოს სოციალური მომსახურების სააგენტოს, გაარკვიოს არის თუ არა პროგრამით მოსარგებლეთა სიაში. სტატუსის დაზუსტების შემდეგ კი ბენეფიციარს დასაქმების ხელშეწყობის სახელმწიფო სააგენტოს კონსულტანტი, შესთავაზებს მისი რეგისტრაციის შესაბამის ტერიტორიულ არეალში არსებულ ვაკანსიებს, ჩაუტარებს მოკლე აღწერას არსებული ვაკანსიისა და პროგრამის შესახებ. დაინტერესების შემთხვევაში მას გადაამისამართებს დამსაქმებელთან, მაგალითად: სკოლის დირექცია, აიპ, სსიპ ან მუნიციპალიტეტი. მხარეთა შეთანხმების შემდეგ ბენეფიციარს უფორმდება სამმხრივი სოციალური ხელშეკრულება და ერთვება პროგრამაში.
პროგრამით მოსარგებლე პირი თუ თავისი ნებით ჩაეხსნება პროგრამას, ავტომატურად მას 4 წლიანი ჯავშანი გაუუქმდება და მისი სოციალურ-ეკონომიკური მდგომარეობის სტატუსის განსაზღვრა ყოველწლიური გადამოწმების შედეგების საფუძველზე მოხდება. ასევე, თუ სოციალურად დაუცველი პირი არაჯეროვნად შეასრულებს დაკისრებულ მოვალეობას საზოგადოებრივი სამუშაოს ფარგლებში, მონიტორინგის სამსახური მოახდენს იდენტიფიცირებას და მასთან ხელშეკრულება შეწყდება.
თუ სოციალურად დაუცველ პირს დასაქმება არ სურს, მისი სოციალურ-ეკონომიკური მდგომარეობის სტატუსის განსაზღვრა ყოველწლიური გადამოწმების შედეგების საფუძველზე მოხდება, თუმცა პირის მიერ მიღებული გადაწყვეტილების შეცვლა ნებისმიერ დროს შეიძლება. შესაბამისი ბენეფიტებით სარგებლობა პროგრამაში ჩართვის დღიდან იქნება შესაძლებელი. პროგრამიდან გამოთიშვის შემთხვევაში კი, მონაწილეობაზე უარის თქმის თვიდან, ერთი წლის შემდეგ ოჯახის სოციალურ-ეკონომიკური სტატუსი ავტომატურად გადამოწმდება.