გიორგი ვარდოსანიძე მამის ამპლუაში - სახალისო ოჯახური ფოტოები - მშობლები

მსახიობი და ტელეწამყვანი გიორგი ვარდოსანიძე იანვრის ბოლოს გახდა მამა. მისი პატარა მალე 4 თვის გახდება. მას და მარიამ უშვერიძეს პატარა ადამი ჰყავთ. გიორგიმ მაშინვე აღნიშნა, რომ ადამმა მისი ცხოვრება შეცვალა: "დაიბადა ადამი. ადამიანი, რომელიც იქნება ადამიანური. ცხოვრება შეიცვალა. ფოტოზე გოგონა ნამდვილი გმირია და ყველაფერს იმსახურებს, რასაც გმირები იმსახურებენ".

მართლაც, ადამის დაბადების შემდეგ გიორგის ინსტაგრამი მისი ფოტოებით გაფერადდა და მამა შვილთან და ცოლთან ერთად საკმაოდ დიდ დროს ატარებს, სახალისო ფოტოებსაც აქვეყნებს ხოლმე. მაგალითად, დიდი გამოხმაურება მოჰყვა ფოტოს, რომელზეც სამი თაობის ვარდოსანიძეა გამოსახული.

ცნობისათვის, გიორგი ვარდოსანიძის პირველი მეუღლე მოცეკვავე სალომე ჭაჭუა იყო, რომელსაც მალე დაშორდა. შემდეგ კიდევ ერთხელ იყო დაქორწინებული და ცოტა ხნის წინ შეხვდა მარიამ უშვერიძეს, რომელიც უკვე მისი შვილის დედაა.