ადამიანის პიროვნების ფარული ასპექტების შესასწავლად მრავალი გზა არსებობს. ერთ-ერთი ყველაზე პოპულარული საშუალება ფსიქოლოგიური ტესტებისა და ვიზუალური ილუზიების გამოყენებაა. ხშირად მსგავსი თავსატეხები გვეხმარება, ქვეცნობიერში დამალული ინფორმაცია გავხსნათ და საკუთარი თავის შესახებ უფრო მეტი გავიგოთ.
ეს ფსიქოლოგიური ტესტი, რომელსაც დღეს შემოგთავაზებთ, დაგეხმარებათ, გაიგოთ, ხასიათის რა თვისებებია თქვენში დომინანტური. ორი ვარიანტი არსებობს: შესაძლოა, ფოტოზე დაინახოთ ქალი, რომელიც ცეკვავს და შესანიშნავ ნახტომს ასრულებს, ან მამაკაცის სახე.
თუ პირველ ჯერზე დაინახეთ გოგონა, რომელიც ცეკვავს, მაშინ შემოქმედებითი და ორიგინალური ადამიანი ხართ. დაკვირვებული ხართ და გაქვთ უნარი, შეამჩნიოთ ისეთი დეტალები, რომლებსაც ბევრი ვერ ამჩნევს. მდიდარი ფანტაზია გაქვთ, ახალი იდეები მოგდით თავში და მზად ხართ ექსპერიმენტებისათვის. ხშირად უჩვეულო და ორიგინალურ ნივთებს ატარებთ და სხვა ადამიანებს შთაგონებას აძლევთ. ზოგჯერ თქვენი იდეები იმდენად არასტანდარტულად გამოიყურება, რომ შესაძლოა, მათი განხორციელება გაგიჭირდეთ. ზუსტად იცით, თქვენთვის მნიშვნელოვან ადამიანებს რა რჩევები უნდა მისცეთ. შემოქმედებითი ბუნება გეხმარებათ, დაინახოთ სილამაზე ყველაფერში, რაც თქვენ ირგვლივაა. ეს კი საინტერესო და ღირებულ თანამოსაუბრედ გხდით.
თუ სურათზე პირველ ჯერზე სახის კონტური დაინახეთ, ეს იმას ნიშნავს, რომ პრაგმატული ადამიანი ხართ. მოგწონთ ყველაფრის დაგეგმვა, მოწესრიგება. თქვენთვის პრაგმატული აზროვნება და ორგანიზებულობა პირველ ადგილზეა. ანალიტიკური აზროვნების უნარი გაქვთ, ეს კი რაციონალური გადაწყვეტილებების მიღებაში გეხმარებათ. მოგწონთ, როდესაც ყველა საქმეში მკაფიო, გაწერილი გეგმა გაქვთ და ნაბიჯ-ნაბიჯ მიჰყვებით მას. თქვენი შეუპოვრობა საშუალებას გაძლევთ, დასახულ მიზნებს მიაღწიოთ. ძალიან დიდი ნებისყოფა გაქვთ და შეგიძლიათ, ემოციები ეფექტურად მართოთ. თუმცა, მსგავსმა დამოკიდებულებამ შესაძლოა, საკუთარი თავის მიმართ ზედმეტად მომთხოვნ და მკაცრ ადამიანად ჩამოგაყალიბოთ. მნიშვნელოვანია გახსოვდეთ, რომ დასვენება და განტვირთვაც ძალიან მნიშვნელოვანია.