რობერტ დე ნიროს 19 წლის შვილიშვილი გარდაცვლილი იპოვეს - "ჩემი სიხარული იყავი, ჩემი გული და ყველაფერი..." - მშობლები

ცნობილი მსახიობის რობერტ დე ნიროს 19 წლის შვილიშვილი ლეონარდო გარდაცვლილი იპოვეს. ლეონარდო დრენა დე ნიროს ქალიშვილია - რობერტ დე ნიროს პირველი ცოლის, დაიენ ებოტის ქალიშვილი, რომელიც მსახიობმა იშვილა, გვარიც მისცა და ისე ზრდიდა, როგორც ღვიძლ შვილს. რობერტთან ერთად დრენამ რამდენიმე ფილმშიც ითამაშა.

დრენას ვაჟი მის მიერ ნაქირავებ ბინაში იპოვეს, ნიუ-იორკის პრესტიჟულ უბანში. მეგობარმა აღმოაჩინა გარდაცვლილი, რომელმაც რამდენიმე დღე ურეკა და ლეომ არ უპასუხა. ცხედრის გვერდით თეთრი ფხვნილი იპოვეს და პირველადი ვერსია ნარკოტიკების დოზის გადაჭარბებაა.

"შენ იყავი ჩემი სიხარული, ჩემი გული და ყველაფერი, რაც ოდესმე იყო სუფთა და ნამდვილი ჩემს ცხოვრებაში. არ ვიცი, როგორ ვიცხოვრო უშენოდ, მაგრამ ვეცდები ვიარო წინ და გავავრცელო ის სიყვარული და სინათლე, რომლებიც შენ მაგრძნობინე, როცა შენი დედა გავხდი. შენ ისე უყვარდი ყველას და გაფასებდნენ. ისე მენანები, ჩემო ბიჭო, ისე მენანები... მშვიდობით, ჩემო ძვირფასო ბიჭო", - დაწერა 51 წლის დრენამ.

დე ნიროს სულ შვიდი შვილი ჰყავს. ცოტა ხნის წინ, 79 წლის ასაკში მეშვიდედ გახდა მამა. მისმა შეყვარებულმა ტიფანი ჩენმა გაუჩინა მას ქალიშვილი.