სულ უფრო მეტი მტკიცებულება ჩნდება, რომ პარაცეტამოლს შეუძლია, ცუდად იმოქმედოს ნაყოფის განვითარებაზე. ექიმები ამბობენ, რომ ორსულობის დროს პარაცეტამოლის მიღება მინიმუმამდე უნდა იქნას დაყვანილი და მხოლოდ უკიდურეს შემთხვევაში უნდა მიიღონ, რაც შეიძლება მინიმალური დოზა და ძალიან მცირე ხანს. ასეთი რეკომენტაცია აქვს სპეციალისტების ჯგუფს დანიიდან, აშშ-დან, ბრაზილიიდან, დიდი ბრიტანეთიდან და საფრანგეთიდან. მათი კვლევის შესახებ შემაჯამებელი სტატია სამეცნიერო ჟურნალ Nature Reviews Endocrinology-ში გამოქვეყნდა.
პარაცეტამოლი ფაქტობრივად ერთადერთი ტკივილგამაყუჩებელი პრეპარატია, რომელიც ნებადართულია ორსულობის დროს. თუმცა ბოლო დროს სულ უფრო მეტი სმაეცნიერო კვლევა ადასტურებს, რომ ეს წამალი ნეგატიურ გავლენას ახდენს ნაყოფის განვითარებაზე. პირველ რიგში გავლენა აისახება მომავალი ბავშვის თავის ტვინზე და ზრდის აუტიზმის, ყურადღების დეფიციტის და ჰიპერაქტიურობის რისკს, ასევე სამეტყველო და ინტელექტუალური განვითარების შეფერხების. გარდა ამისა, კვლევებით დასტურდება, რომ წამალი ბავშვის რეპროდუქტიული და ურიგენიტალიური სისტემის სხვადასხვა ანომალიების რისკს ზრდის.
რაც მეტია პრეპარატის დოზა და რაც უფრო ხანგრძლივია მისი მიღების დრო, მით მეტია ნაყოფზე მისი ნეგატიური ზემოქმედება. სწორედ ამიტომ, მეცნიერების თქმით, პარაცეტამოლი უდიდესი სიფრთხილით უნდა მიიღოს ორსულმა, მხოლოდ ექიმის დანიშნულებით და უკიდურეს შემთხვევებში.