წერტილოვანი მასაჟის საიდუმლოებები დიდებისა და პატარებისთვის - მშობლები

დაიზილეთ ეს წერტილები და ებრძოლეთ გაციებას, მოიხსენით თავის ტკივილი, უძილობა, ზედმეტი წონაც კი... წერტილოვანი მასაჟი ერთ-ერთი საუკეთესო საშუალებაა დაავადებების პროფილაქტიკისთვის და ბოლო დროს ამ მეთოდს ბევრი აღიარებს. ის ამაღლებს ორგანიზმის დაცვით ფუნქციებს, ბრონქების, ყელის, ცხვირის ლორწოვანი გარსის დაცვით თვისებებს. გაციების დროს ორგანიზმის წინააღმდეგობის უნარის ასამაღლებლად რეკომენდებულია წერტილოვანი მასაჟი და თვითმასაჟი, განსაკუთრებით მკერდისა და სახის მიდამოებში, რაც მნიშვნელოვანი რეგულატორია შინაგანი ორგანოების ქმედუნარიანობისთვის.

თვითმასაჟის დაწყება რეკომენდებულია 4 წელზე უფროსი ასაკის ბავშვებთან, რადგან ამ ასაკამდე ბავშვები დამოუკიდებლად ვერ ორიენტირდებიან საკუთარ სხეულზე.

წერტილოვანი მასაჟი უფროსებისთვის

ხელებსა და ფეხებზე იპოვეთ ეს წერტილები და მათზე მასაჟისებური მოძრაობები გააკეთეთ შესაბამისი პრობლემის დროს. წერტილოვანი მასაჟის სპეციალისტები ამბობენ, რომ ეს ძალიან ეფექტურია.