რომელია საუზმობისთვის ყველაზე კარგი დრო და რა პროდუქტები არ უნდა მიირთვათ დილით, თუ გსურთ, ნაწლავის ჯანმრთელობა შეინარჩუნოთ - ნუტრიციოლოგების განმარტება - მშობლები

ალბათ, ბევრი ადამიანი დილას ყველაზე ხშირად ფინჯანი ყავითა და მცირე წახემსებით იწყებს. ნუტრიციოლოგები განმარტავენ, სინამდვილეში, რა უნდა მივირთვათ საუზმეზე და რომელია ამისთვის ყველაზე კარგი დრო:

რომელია საუზმობისთვის საუკეთესო დრო?

როგორც ნუტრიციოლოგები ამბობენ, ოქროს წესია, რომ ადამიანმა საუზმე გაღვიძებიდან 1 საათის შემდეგ მიირთვას.

"ეს მეტაბოლური პროცესების მოწესრიგებაში დაგეხმარებათ და დღის მეორე ნახევარში გაძლიერებული კვების სურვილს მოგიკლავთ. თუ გაღვიძებისთანავე, ან მალევე საუზმეს მიირთმევთ, ამან შესაძლოა, დაღლილობა გამოიწვიოს, რაც თქვენს პროდუქტიულობას ხელს შეუშლის."- განმარტავენ სპეციალისტები.

რას შეიძლება უკავშირდებოდეს დილით შიმშილის განცდის არქონა?

"ადამიანებს, რომლებიც დილით შიმშილს ვერ გრძნობენ, როგორც წესი, ღვიძლისა და ნაწლავის ჯანმრთელობაზე გარკვეული კვლევების ჩატარება სჭირდებათ. მათი ნორმალური ფუნქციონირების პირობებში, დილით შიმშილი ბუნებრივია." - ამბობენ სპეციალისტები.

მიუხედავად იმისა, რომ ზოგიერთი დიეტა, მათ შორის, ინტერვალური შიმშილი, შესაძლოა, საუზმის გამოტოვებისაკენ გიბიძგებდეთ და პირობითად, კვების დღის 12 საათიდან დაწყებას მოგიწოდებდეთ, სპეციალისტები გირჩევენ, რომ საუზმე არ გამოტოვოთ.

როგორ დავგეგმოთ დილით სრულყოფილი საუზმე?

სპეციალისტების თქმით, იდეალური საუზმე ცილებისაგან, მაგალითად კვერცხის, უცხიმო იოგურტის, მცენარეული ცილისაგან იწყება. ის შეიძლება შერწყმული იყოს დაბალი გლიკემიური ინდექსის ნახშირწყლებთან, როგორებიცაა შვრიის ფაფა, წითელი ან ყავისფერი ბრინჯი, წიწიბურა ან კინოა.

ვაშლით, ფორთოხლით, ისპანახით, ან კომბოსტოთი დამზადებული სხვადასხვა სმუზი, ჩიას, ან სელის თესლით კარგი ალტერნატივაა.

ნუტრიციოლოგების თქმით, იდეალური საუზმე 4 კომპონენტს მოიცავს:

• ცილას
• დაბალი გლიკემიური ინდექსის მქონე ნახშირწყლებს - მაგალითად, მთლიანი მარცვლეულისაგან დამზადებულ პურს
• ბოჭკოს (ბოსტნეული, ხილი, მწვანილი)
• ჯანსაღი ცხიმები (კარაქი, ზეითუნის ზეთი, ავოკადო)

პროდუქტები, რომლებიც საუზმეზე არ უნდა მიირთვათ:

სპეციალისტები გირჩევენ, რომ დილით გადამუშავებული საკვები, მათ შორის, შეფუთული, ან ახლად გამოწურული ისეთი წვენები, რომლებსაც შაქარი აქვთ დამატებული, არ მიიღოთ.

მარტივი ნახშირწყლების მიღება, როგორებიცაა, ტკბილეული, ცომეული, შოკოლადი, ჯობს თავიდან აირიდოთ. გარდა ამისა, დილით უზმოზე ყავის მიღება რეკომენდებული არ არის. იქამდე ისაუზმეთ.